先澄清一點: 我不是同志!
今日應該係最後一次踏入初三庚呢個課室
晨早返左學校諗住睇下結業禮有咩可以幫手
突然俾生哥捉左上台代表初三庚拎班際季軍
估唔到仲有得上台拎獎
但係一上台我地班d"禮儀"小姐就響度奸笑
都唔知有咩好笑姐
完左之後幫手拎d獎上班
己班睇左做乙班,派錯獎,樣衰到極點
響課室就吹下水,汁下個壁室,汁下個課室,影左幾張相
留守到最後一刻,就同初中生涯真正咁告別
同左最後幾位戰士(肥仔成,花花,朱wing)say左個good bye
後日,正式成為高中生了
到依家,都係唔捨得過去三年既日子
時光真係過得好快,好想將d快樂時光留住
前幾日去左高中畢業禮幫手
睇住高三d畢業生,幻想下我地三年後既景象
到時大家又唔知變成點?
我地呢一班,唔知仲有冇人記得?
唔知道仲係唔係嬉皮笑臉,成日都仲玩緊CS,信長?仲成日講人生大道理?
希望大家係未來既三年都過得好開心啦
唔好俾d學習壓力打低你
三年後既畢業舞台,我地大家一齊又企上去!
|
