今個暑假心血來潮想去camp,響6月咁就報左左教青局o既"野外鍛鍊訓練營"
為期三日兩夜,星期一就出發,呢次搵埋昌記同曱甴一齊去有個伴
去到集合地方撞到個前同旅童軍o既朋友,見到佢好自然又諗起以前童軍時情況
到左鮑思高青年村,分好組,好可惜我唔係同昌記同曱甴以及童軍o既朋友同一組
我地組分左個助教叫丫清,佢今年高三,幾好人,又唔惡(曱甴戈組個助教先得戈15碎)
我戈組好多笑得之人,每講一句話都笑到你死,唔想笑根本係冇可能
第一晚先出去九澳露營同埋野外煮飯,九澳o既地好過黑沙戈邊,雖獨個廁所
露營戈晚真係好野,響營內似個焗爐,訓出草地又多蚊,攞人命咁
好多人都冇訓(連導師,助教都係,有o的甚至去打啤.打邊爐),我就訓下醒下,吹下水,睇星星,發"夜"日夢
總至戈晚絕對難過,難忘!之前去露營都冇咁辛苦.
第二日朝個個好似睡魔纏身,趴低響張枱死左咁個款(連o的導師都係咁=.=')
戈日仲教左繩結,包紮,睇地圖,指南針,仲行去約2個半鐘頭山(好easy姐)
響鮑思高訓戈晚,間間房o的冷氣凍到死,似個雪櫃咁
間房話寫住係22度,但部冷氣絕對係18,19度
唉,仲以為鮑思高有張床,有冷氣就有覺好訓,點知都係......
最尾戈日,姐係今日,考返曬所有學過o既野,完成後吹下水交流下
影張合照,攞張證書,食個中午餐,依依不捨地離開
呢三日真係啊,夠曬好過,又識到好多人,又笑到就黎抽筋
下年報兩個camp先得,一個camp真係唔係好過癮
活動相我就冇啦,鐘意睇下我張證書啦~~
留返個cm唔該,如果你係個camp識得我o既人,而有qooza ac,加做好友啦~~
|
