話說星期日一早起身
就收到德成俾我ge信息,佢炒左車,叫我去鏡湖探佢
初初都唔知做咩,不過鏡湖近我屋企,去下無所謂
不過一去鏡湖,見到德成訓響張床上,隻右手傷到....
都唔知搵乜形容詞講好!
見到佢咁個樣,我個心唔知點解好鬼難受,好心痛
儘管德成塊臉見不到任何受傷的表情
始終見到佢咁,我真係想喊出黎
不過男人大丈夫話喊就喊咩= =
之後到左今日
放左學,錄完初一紅歌
同左珠珠吹水,都吹左好鬼耐
吹水吹到咁上下,德成丫妹send條信息黎德成做完手術
之後德成亦都打黎講下
聽見佢把聲,我個心又再酸過
佢把聲好虛弱,不過可以聽得出佢仍然好細路脾氣
精神都唔錯,不過佢當時d痳醉藥亦未散得曬,講野都唔係好清
睇到佢咁,只可以講句:
"祝你早日康復!"
|
