這又是一篇冇意義的日誌.......
淨番一個星期就完左個夏令班
到依家仍然冇乜上理班堂GE FEEL
日日D功課少得可憐, 最辛苦莫過於中文抄硬筆
番學就好似虛度光陰.....
今日因為海派甜心+呀媽關係, 不小心地做左日宅男
難得有日留響屋企, 就不小心幫屋企同埋部腦做個大掃除
汁下汁下, 汁左好多回憶出黎
一份去黑沙CAMP名單：唔知響未來一年仲有冇機會攪成.
一張曾經斷過兩隻手的幼稚園學生證相：睇番個樣, 仲好得意, 但係同佢都好似冇乜話題可言
過緊好幸福GE生活, 周圍有好多人關心佢, 我都登佢開心:)
一隻初中時期回憶錄光碟：初中七個班, 除左我地班同丁班, 其他班都響高中攪過班活動
雖則開左群組, 希望快D落實都有個初中的班活動
一張黃大仙的靈籤：一次傳奇的旅程!
一張勞校電視台分工表：我, 好似慢慢地消失響入邊......
一套響12月20日來回香港船飛：高一呢七個月就好似發緊夢
睇睇個月曆, 原來佢已經嬲左成五個月
五個月, 可以做乜野?
拎住張船飛, 深深地回憶以前發生過的事
其實我應該要多謝你, 多謝你教識我點去關心別人
唔係因為你, 我唔會學到更多課本沒有的東西
個個都話自己冇人關心, D好朋友出街又唔約你
其實你地個個都比我好N倍
最起碼冇人會嬲你嬲咁耐, 到依家會令你坐立不安
冇人關心的程度, 我應該係數一數二.
睇下, 佢地又出街又去玩啦, 而我就係一舊石頭冇咩作為
最重要都係唔好諗向壞方向, 向好戈面睇啦, 平平無奇的一樣野都可以好精彩
淨係想講一句：你地真係好幸福！
|
