(字多請注意!)
2012都已經過左15日
依家先講咩盤點. 好似有點兒那個吧!?
當然 題目都只是粉飾一下而已
個餡同佢好似冇咩關係咁...
2011年頭 無無聊聊去某間廟某個位求左枝某籤
某個解籤佬就同我解左枝某籤 我就同佢求下個整年運氣咁上下野
枝某籤話我 整年都係平平無奇咁過
但亦有可能對自己有個翻天覆地的變化
咩變化? 佢又冇講wo....
算.... 呢d野聽下就算
的確到年尾埋單戈陣 睇番過去一年 尤如坐左一架過山車
我們的歌唱比賽 武漢團 表彰大會 Touch my heart 張大師課程 鬼理你
一個比一個更精彩 一個比一個更值得令人回味
當中亦都發生左好多個第一次~ 籌委主任的確係一份好有挑戰性的工作
之不過.....但係.....接觸得多外校學生
開始明白自己的不足, 慢慢盡力去改善
但係自己慢慢開始懶左起身, 很多事都力不從心
好多野都被我整到一團糟糕
想吾想挽回!? 想架! 只可惜被我整得更加糟
現在呢塊東西都吾知成咩形狀
2012到了 順其自然吧 安安定定做好點吧
要不然真係浪費張大師同我地上堂的一日半時間
台灣岩岩大選完 我地工青都選埋一份
整左個"小圈子選舉" 選下幹事組的正副組長
巧合地, 我就以第三高票做副組長
選之前, 我算係一隻熱馬吧?
但自己問深一句, 自己仲未有資格做呢個位.
今日數學堂 順手提醒左我吧
上堂講過的那一方面 我已經慢慢去吸收改進
但現階段 副組長呢d職位高的工作係吾適合我
大家認同我的表現但自己始終過吾到自己戈關
公佈結果戈陣
心入邊曾經諗過 "吾好投俾我 吾好投俾我" "Lisa快d超過我"
仲諗定選中之後應該講咩去推辭.
然而 到公佈一刻依然未有諗到一個美麗的謊言
暨然已經接下這份工作 無論如何都要努力完成任期
我一直都要留意投票的過程
發覺到一個現象: 冇一個同校投過我一票
而且大家都要一個共同特點 就係▉▉▉▉▉▉
面對其他眼光 心都痛了
前幾日面對一個錢銀的問題 當初我真係好嬲
但係後來改過來 那就算吧 我仲想拎筆錢出黎幫下佢
但係佢響再之前講左一d極度中傷我的話
作為一個後製人員 佢呢番話徹底傷害我的自尊心
亦都傷害左每一個的付出
所以我就收起自己的良心 將d錢收埋落枕頭底算
希望佢會明白
2012 順應自然啦 面對學業等等方面的低潮 給力吧!
Give me more power!!!
|
