話說琴日係澳門回歸十年既大日子
我就參加左"四千珠澳青少年大聯歡",就響珠海海泉灣過左一日
戈日流程可以用十二隻字講曬.....
"上午彩排,下午遊園,晚上晚會"
朝早彩排真係好爛,個主持人都好似發曬爛喳....
彩排左=冇彩排一樣,晚會戈時都係人地做乜我地跟住做乜.
d伙食呢,,,,,你食完之後你就會覺得,軍訓d伙食真係好好!
晏就響海泉灣周圍玩....
入去鬼屋,人地都係被人驚到死下死下,不過我係笑到死下死下
我隔離個魚佬,驚到自己都唔知姓乜
驚到表情超誇張,個樣好似痴左線d人咁,好頂癮!
玩激流,上去隻船都冇乜野...
不過隻船上到去一半,有人問個激流有幾高....
當我up左係18米,6層樓高戈時,d人先開始淆.....
不過都沖落去啦,戈下離心力真係超強,你只會feel到你個心唔響你自己度
落戈一刻真係好爽,正!
晚會,我地勞校坐得好後,d表演睇到上半冇下半,有d掃興...
不過最精彩都係放煙花戈一刻
放既時間雖然短,不過有史以黎睇煙花最近既一次
2隻眼都未必容納得曬d煙花,個心都好似爆緊,太震撼啦!
衰在冇帶枝炮出黎,真係可惜!
完左煙花,我地霖哥話:
"實在太有feel,我好想扯旗!"
我同魚佬都笑左,霖哥d爛gag程度真係好野!
一日假期咁就過左.....
|
