近排個天都黑黑地 成日都有過雲雨 攬到成個人的心情都唔係幾好
之從考完試之後 有一段時間都擔驚受怕
個化學考試做錯晒好多 物理.....都係天敵 驚個分低到拉唔到
15號番去睇成績 呼 唔洗補考 不過成績就好"靚仔"
算啦 唔補考已經滿足了 但係高二我又再次害怕
雖然我預左真係好辛苦 但係好驚下年讀唔掂
總終 冇人想浪費多一年時間
聽日就去台灣玩陣了~ 響度清下D煩事先......
呢一年 就好似發夢咁過 一切一切好似唔係屬於我 情緒分為黑白二面
一開學 我好天真咁以為識到我個知己
頭戈幾個月 應該係我最開心的幾個月
戈一種開心GE感覺我係未試過 未試過同朋友可以咁開心
正當我歡樂咁渡過緊高一時 以下大家可以開開心心升上高二
我一生中最悲劇的事發生了...... 我未試過我一雙手可以令到人地咁懷恨在心
差4日就4個月了 呢4個月以來我冇一日真係話開心過
到依家 我反而係驚左你 驚到連一句再見都唔敢講
呢一雙手 呢一把口 呢一張臉 侮人威力強大
我記得林成偉講過 真正最好的朋友就係高中的時候認識
唉 他 還會是我的朋友嗎? 佢一見到我 樣子就變了
多一個朋友好過多一個敵人 以後 究竟有冇機會同你做朋友
開住個facebook 睇下人地d動態 真係越黎越羨慕你地
有一班知心朋友 有一班玩得之友
無論開心 傷心 痛苦 猶疑 佢地都係總係身邊
呢一種感情 搵唔到第二種黎代替 世上能夠結合為你地係福份
有人曰: 好似戈陣咁咪幾好lor~開開心心咁..
響呢一度刻 唔知點解浮現緊食完團年飯之後同人去m記傾心事ge情況
哈 個天總係搵事阻止我 唔想俾我融入你地 咁就由得佢啦
始終 唔屬於我就係唔屬於我 強求冇好結果
而且 我呢d閒人都係多餘啦
有個肥仔話: 你響xxx入邊會冇朋友架!
我想同你講: 我依家已經係
自從我同佢罵翻後 你地就開始排斥我咁
一切關於xxx的野 都會響我面前講而唔會當我存在
即刻你坐我隔離 依然大大聲咁同佢講xxx d野
我諗你地已經當我響xxx入邊係透明
無論點都好 下年高二係我響xxx最後一年
我想搞好xxx 可能我點出聲你地都聽唔到
但係我會盡全力去搞起佢 等一班學弟學妹可以繼續開開心心咁做落去
等佢地睇到我地係有成績做出黎
唔好因為我地呢一屇d人而令佢未落!
好啦 係時候準備去台灣
呢d嘮叨,重複以及無聊的話呢幾日搵時間刪除
呼~~ 準備出發了~~
|
