琴日唔知點解都好一直想留響學校,留響個班度
始終對呢位個班都係唔捨得
都已經三年啦,唔多唔少都有感情響入邊
對呢個班其實都又愛又恨
不過一切都無所謂,餘下既時光已經冇啦
三年黎你地令我改變左好多
假如冇左你地,我都可能連一隻井底之蛙都不如
世事好多野到依家都可能依然唔識,一竅不通
真係好多謝你地! 對你地感激不盡!
三年黎你地帶黎好多歡樂
當中有唔少都係有血有淚
琴日響學校睇番軍訓d相
真係令我好感動
初中生涯完左啦,開始高中既生涯
響依度講下自己對初三庚班每個人既感受:
(以下戈d都係我自己既見解,或者你睇完之後唔開心,請見諒...)
１. Joey : 蕉姐,個人唔係同佢唔係好熟,不過佢唔可以同我地一齊升班感到難過,下一學你一定可以升架!
２. Lan : 自從升上初三之後,香香笑既情況特別嚴重,尤其係物理堂,不過佢份人太好啦,成日都俾人蝦,特別係個肥明
３. Jason : 狗雄,有時侯真係接受唔到佢,不過,佢好人起上黎都好架,班上面唔少野都要多得佢
４. Terry : 肥冬,佢有時候真係幾令人頂唔順,有時候我都唔係幾明,睇佢個樣又唔係蠢,但係佢乜野都唔識咁,仲好惡添!
５. God : 華哥,佢又好似乜都識咁,但有時實際上......份人都幾好,又玩得,又吹得,又做得~
６. Yanky : 肥ya,佢d肥肉都幾嚇親人,話減肥,唔增都已經偷笑啦,響女仔響講係最"斯文"戈個,聲大夾惡,成個師奶咁...
７. Double : 平時同佢傾得唔多,同佢最難忘就係同佢一齊玩巨人梯,真係好辛苦!
８. Ken : 魚佬,玩得,吹得,個樣又得,衰就衰在太瘦啦,肥d你成個人都幾掂架,同佢一齊係完全唔洗諗會有d咩唔開心既野發生.
９. Carman : 初三最尾坐佢前面,成日都俾佢d歌聲嚇親,佢堂堂訓覺都升到,證明佢都幾叻下
１０. Albert : 昌哥,人稱高比昌,假如你試過同佢出街買野,你真係可能會驚左佢,佢d猶豫不決既性格真係......
１１. Tommy : 肥明,響初三庚裡邊識得最耐係佢啦,都已經9年同學,但係佢d性格有時超難頂,無奈佢其實好鬼聰明,轉數好鬼快
１２. Sky : 我地班偉大既誠哥,成日都係自己孤零零一個,佢d作文真係嚇死人,你睇過一次你就覺得好無奈
１３. Lemon : 同Carman係對姊妹咁,平時同佢都唔係經常玩埋一齊,對佢始終唔係好熟,其實佢份人都幾好
１４. Fish : 思余,佢不幸咁唔可以一齊升上去,平時佢都幾文靜,幾有作家既feel,不過已經俾某人搞到......
１５. Joyce : 儀姐,標準乖乖女,現代學生既榜樣,成績咁好真係日日咁勤力先有結果既
１６. Oscar : 籤哥,已經成為發哥既老友,平時都以為自己好叻咁,實質係乜都唔識,成日都好激動咁
１７. Janice : 君爺,成本百科全書,問乜都可以答得出,真係天才一名,佢俾d心機成績應該可以再高
１８. Wilson : 肥威,初三最尾階段佢真係好似靜左落黎,不過唔明顯,班中既滋事/搞gag份子之一,希望佢d傷快d好番啦,唔好等佢咁失望
１９. Eric : 輝哥,睇佢個樣唔係好懶咁,不過很可惜,佢都係大炒一番,人際關係唔差,不過好容易俾我地忽略
２０. Keith : 基哥,響男仔黎講佢都算有d靜,同強壯哥一樣響班入邊唔係太活躍
２１. Chris : 曱甴,後稱飛爺,到目前為止我都唔係好明點解叫飛爺,份人就......不願多講
２２. Mon : 花花,同肥ya一樣偏肥,而且響女仔黎講幾黑下,份人唔錯,人緣超好,周圍都識好多人咁,不過有時都幾粗魯下,可能跟得ya姐多...
２３. King : 強壯哥,佢個學號超有運氣,抽乜都有23號份,之後好自然就係20號,佢份人有時搞爛gag都幾西利
２４. Kei : 琪姐,佢好似成日病咁,經常請假,番學唔係幾岩佢,不過佢都已經放棄
２５. Man : 文爺,搞爛gag一日嚴重過一日,發動爛gag帶頭人,好多野都係佢創作出黎,不過佢都稱得上一個乖乖仔,佢肯多d心機成績一定過我頭
２６. Yan : 茵姐,最尾戈段真係唔聲唔聲嚇你一驚,成績突飛猛進,真係唔可以睇少佢......
２７. Cindy : 初三留班戈批人中最熟係佢,佢英文個底都唔差,班上面唔少野都從佢度聽番黎
２８. Dennis : 我都係初三庚既一份子,當然要打埋個名出黎啦
２９. Jackie : 原稱Jacky,後自稱Jackie,成日學埋肥明d衰野,我真係接受唔到lo,有時同佢出去都係一個唔錯既享受
３０. Dick : 發哥,我地既發哥真係不得了,個d"香"味真係令我好難頂,佢雖然係數小,感覺上好似一般
３１. Candy : 敏樺,一年既班長生涯佢真係幫過我唔少,有d野冇左佢都唔知可唔可以成事,雖則呢個女班長有時發神經......
３２. Seng : 肥仔成,最唔捨得當然係佢啦,班入邊既開心果,成個細路仔咁,人緣不錯,有佢響度好少有泠場出現,不過佢依家變得越黎越串,不禁都要講一聲"你真係變左啦."
３３. Fanny : 如花,呢個真係唔想多講,反正高一都已經一定唔係同佢一班
３４. Raymond : 章哥,佢既人生離不開呢二樣野:CS,足球,假如佢唔講波或者係CS咁呢個肯定唔係章哥
３５. Miko : 囡姑,佢經常突然之間就嚇你一驚,佢既反應係超慢,人地講野load左幾秒先知係講咩,之後仲要大叫一聲,另外有時佢D行為幾似個大陸村姑
３６. Jill : 蕉皮,對佢印象真係唔多,反正上堂98%時間都係訓覺
３７. Wing : 朱wing,經常俾洋洋蝦(依家少左d啦),佢都好樂意為我地做野,很可惜,佢實在太懶啦,又係升唔到上去
３８. Fong : 佢無時無刻都係響度笑,無端白事都可以笑一齊,最記得洋洋玩佢,笑到我真係肚痛
３９. Colour : co哥,響班入邊同華哥最老友,佢心目中只係有一個人,係邊個?大家心照啦......
４０. Noddy : 肥茵,費事多講佢,我驚講得多佢都已經響度罵緊我,反正佢既身材係唔理想
４１. Klein : 洋洋,睇唔出佢曾經係一個乖乖仔,佢d作文真係幾有潛質,連珠珠都讚過,可惜佢唔經常發揮出黎
好啦,初三庚既人就講度呢依度
亦都要多謝每一位老師既教導
多謝周miss,佢令到我地可以搞左咁多次班活動
帶俾我地更多回憶
升高一分班已經進行緊
我預左同d老友係冇乜機會同一班
希望大家之後仲可以keep住咁好既關係啦
最後,同唔可以跟我地上升高一既人講:
"你地一定要加油啊,下一年高一等緊你,你地一定得架!"
(唔該各位睇完留個cm,打cm兩個字都好啦,好過唔留cm,話晒呢篇野我都已經打左3個半鐘先打完.)
|
