今日見自己得閒....約左阿盈出去食飯~~~一早就起左身....不過我好似約左佢5點喎~~~我係咪對佢太緊張呢~~~一早起身~~咪上下網睇下今晚有乜餐廳可以去食下啦~~~睇睇睇....睇到12點幾都搵唔到....咪打個SMS比佢.....點知佢都未起身~~~唉~~!!都係我太緊張.......佢成點先打比我...問我想去邊~~~我諗左一陣就講想去APM...因為我冇去過....時間差不多.....我就換衫....我5點幾到左~~~不過佢掛住打機~~打到過曬龍~~~佢5點半...先出門口~~~佢住將軍澳.....最快都要6點幾啦~~~我見佢冇咁快到個時~~自己去睇下行下囉~~~APM都幾大架~~~有6層架~~~可能個日劉華去完個道表演啦~~APM勁多人....佢終於都出現....雖然佢係遲到.....不過我睇到佢係有打扮過架~~~都幾靚架~~~我地見面後....咪同佢行左一陣...我先知佢係道返工....APM都行左好多次....佢咁講....我都有D唔好意思....咪同佢去德褔囉~~~一路行...同佢講下野...知佢同男友唔係好開心~~~我當然唔想佢唔開心啦~~佢屋企又有D問題.....我想佢地可以解決到~~~行行下~~~我地就搵野食啦~~~佢好替我個銀包著想.....貴個D佢唔食架~~到左後來去到必勝客...佢話好耐冇食過.....我咪同佢食囉~~~不過就等左半個鐘啦~~~9點食到10點幾~~~行左陣德褔咪走囉~~我送佢返屋企....佢就同我講佢屋企既問題.....佢話佢阿爸唔好....成日鬧佢~~又話自己得唔到尊重之類....我就同佢講...你可以同佢講多D野....等佢覺得個屋企重需要佢~~~佢就唔會鬧你....佢聽左都明白....送到佢屋企樓下~~我諗住走架啦~~~忽然佢叫停我叫我陪多佢一陣.....我都有D凸然.....佢都知我要趕尾班車~~~不過我話冇問題......我咪同佢講多陣~~~之後我先走~~~之後我諗返~~~我好似冇比女仔留住過喎~~~今次都叫做第一次啦~~~我返到上水佢又打黎~~我同佢講左好耐....講到電話都冇電先收線呀~~~~