返左4日工啦, 今日我決定要寫返篇blog整理一下呢幾日既野
(本來想第一天寫的, 但係我攰到一個點...)
我初時以為魚蝦係好hea既實習, 但我今次第一年做發覺並不是如此
同一個部門不同處, 工作安排同對我地既要求都唔同, 我做嗰個處第一日返工已經要開始做野,
而且冇講明deadline, 咁我就一定要不斷做唔敢hea啦...
我用左兩日時間做完佢俾我既任務, 但原來我做既只係試水溫, 之後俾左同一類型既野我做但份量大左好多!
又做左兩日, 但還未完成3分一, 所以我預計都要做多一個星期先做得完上司俾我既第二個任務...
緊住我想講講工作既內容...
其實係d好機械式, 無須用好多腦力, 但要仔細既工作
將一大堆雜亂無章既pdf檔改統一格式的名, 將它們按部門分類, 再上傳去share folder裏
一整個就是悶......開始兩日還好, 呢兩日真係悶到半個中就要休息一下...
望住個鐘......無論早上定下午d時間都好難捱...
而且, 做魚蝦以來成日都唔夠訓, 唔習慣吧, 而且好易攰...6點半返到屋企咩都唔想做
成個人無哂能量, 連夜晚想出去跑步既動力都唔夠
呢份實習真係同我想像中差好遠...希望下個星期會慣啦...
btw, office環境真係搞到人無哂能量, 個冷氣好凍, 又有陣怪味充斥office, 人情味又唔覺有, 仲要做既野冇興趣...
今次魚蝦真係個歷練...
同為魚蝦既實習生連埋我有3個, 但好像還是陌生 (食飯傾計嗰陣感覺到), 看來大家都不是那種一見如故的人...
但當大家都有個照應吧!
返埋聽日就一個星期啦, 等星期五等到我...終於有兩日假放, 我要做運動呀! (ps. 我星期日其實仲有教青局份part-time...無左大半日T^T 不過中午都可以訓晏覺~)
期待我的假期!!
| 
