今日返工, 之前曾有過既一D體會又出現了,
一返到公司, 第一件事就係pick up返上個星期因與同事誤會而無做到既工作
其實一向這方面既工作都係嗰同事跟, 但佢上星期無跟, 仲以為我跟,
但我真係無講到, 這所謂誤會搞到我今個星期第一日就要跟番,
但我係呢方面既工作係生手, 只係之前見住同事做, 於是我又check mail, 睇返之前嗰同事係點sd
搞左一輪, 理掂好個情況後, 先發覺上星期嗰同事無做真係影響好大, 即時淆底, 突然覺得我好似做錯野咁
但其實係嗰同事做開但上星期佢失職, 但再諗諗, 算啦, 大家都係同職位, 而且係呢間公司根本就分工唔明確,
自己再拗落去都無着數...呢單野仲未完, 之後我仲用左一段好長既時間去理清嗰同事係點訂貨既,
嗰邏輯真係諗左好耐先明, 我係比較諗野慢既, 唔明白嗰邏輯我係會死諗爛諗, 真係有D以前做數既感覺
呢份野哂時間都算啦, 我發覺係呢間公司當你好無助想尹個人問下時, 所有人都唔係你身邊架!
叫天不應叫地不聞, 有野唔明好似要儲埋儲埋咁, 等到有人出現就一次過問哂, 我最唔中意呢種感覺
而且我再次感受到自己與其他醫療同事好似隔開左咁, 佢地有佢地既世界, 而我就只有一個人既世界
感覺就好似去左個陌生既外語環境咁無奈, 今日嗰三個醫生放工就出左去餐廳食飯, 但佢地係完全無諗過叫我去
畀我既感覺就係呢個係屬於佢地醫生既聚會, 係無需要邀請我呢個唔同職位既人一齊食, 而且,
佢地一夠鐘就拍拍羅友走人, 但有冇諗過我仲係度埋數, 仲係度關燈關門?
我直頭覺得同佢地係唔同世界, 同一個地方, 但好似互無交集咁
呢種感覺之前都有架啦, 其實一直都存在, 根本無消失過, 將來係點無人知, 但我真係唔中意呢種感覺,
我對我既工作無歸屬感, 返工等放工, 放工等假期...今日個人真係好鬱悶, 放左工兜路遊車河, 個人先順左D, 如果我就咁返屋企, 我諗我會癲...
|
