| «‹ January 2015 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2007 年 3 月 8 日 星期四  |
| 陳百強既歌又真係好好聽架喎 |
分類: 未分類 |
事實証明，歐聯真係好難連入兩次決賽既，繼尋晚巴菜比紅軍踢出局之後，兵工廠亦都比燕豪芬係主場迫和1－1，兩回合以1－2無緣進身八強!!!
今日老媽唔洗番工，所以佢七點先叫我起身．都好，訓多半個鐘!!睇左陣新聞就換衫走人．買左早餐番左班房食......之後就”做埋”個數學功課，順便對埋份經濟，原來都無咩錯......不過老師定律有兩條
第一條:老師永遠是對的!
第二條:如果老師有錯,請以第一條為準!
根據呢個定律，所以我無同何老闆講條問題......做好改正比佢算喇!!
中文堂，好比心機做果份閱讀理解，初步都唔錯，淨係mc都有48分，係呀鏗既兩倍．呵呵，一向做mc都幾有天份架嘛!!
英文miss wu叫我地寫Free-write，我寫左My daily routine,易寫到無朋友呀，係咁易寫左兩板比佢......哈哈
放
左做左陣野就落左去下面揀Board，之後腳癮大發，賣甩左呀橙，Koey,黃嘉同呀欣佢地過左操場踢波，呵呵，入左四球......不過miss左好多
機會......踢踢下呀健都尼踢埋，最佳拍當再次出擊喇!!!不過我就邊踢邊過去幫佢地手整野，算自己仲有D良心......
不過可能無做熱身，有少少拉親小腿添......擦番D摩擦膏先
踢/做到咁夜先番歸，都係有點唔放心，下次都係早D趕大家走先......
番尼睇報紙，好少有新聞會令人覺得心酸同感動......但係今日有一編......
標題係：老夫捨命救盲妻
大致係講一對老夫婦去醫院探人，之後個老公以身擋車推果個視力近乎零既老伴，最後果呀伯腦幹死亡，個老婆只係受左輕傷......
感想就唔打喇，因為要打打到聽日都未打得晒，不過呢個係愛既表現定係責任既表現呢?
今晚用Foxy無聊聊dl左幾首陳百強既歌，真係好正，由其係”幾分鐘的約會”，真係一流架，自己搵尼聽下啦!!!
|
| 2007 年 3 月 1 日 星期四 |
| AK狂徒是我 |
分類: 未分類 |
今日番到去整理埋D會計功課同埋英文既閱讀報告......跟住Chris同Jerry就尼搵我話比相我睇......一睇,哇!!!AK狂徒呀......真係比張相笑死......邊有人咁認真用支AK47瞄準架XDD
一路相安無事到Lunch，Lunch去左”食住等”食......食住等即係咩?咪係大家樂囉，万刀甲講架嘛!!
好
耐無食過焗豬，就叫左個尼食．可能我真係身體有D問題......平時一個焗豬我都101%無可能食唔晒，但係今日竟然食唔晒．睇尼真係去check下身
體好D......而且呀媽都話我呢排胃口差左好多......平時三碗飯都無走雞，呢個星期竟然日日半碗飯......
Lunch之後就上ACC喇，馬爺真係肥左......不過成堂都比佢串XD成日話小露寶係我女人XD咪痴線啦XD
放
學之後就一大班人同Jerry開會，傾左好耐終於都搞掂D野，中間王麗同我講，話估唔到你平時控制情緒控制我好好，但係四人足球果次就咁樣.....我答
佢我承認我果次真係好衝動......跟本無辯護既餘地......但係果次我真係好火......之後屋企就打埋個話劇個稿......打完就食飯沖
涼.....
再睇番尋日件事，腦海出現左一句林狗既歌詞......
細路哥 你得到什麼 你失去什麼
究竟，係呢件事上面，你得到D咩呢?
|
| 2007 年 2 月 28 日 星期三 |
| 心痛 |
分類: 未分類 |
今日睇左個都幾老死既同學既Xanga,睇到之後真係眼都突埋,佢竟然學人玩埋D咁既野......上年大家都仲好地地,點解一年既時間就變成咁呢......佢可能唔知,佢既所作所為已經令到佢身邊既朋友,老師好心痛,失望!!!
一年前,有個人在台上彈奏"童話"......佢好用心咁去練習，問人意見．比賽果日就大熱咁攞左個冠軍番尼.但係今年佢繼續參加，不過佢心裡面已經無左果份鬥心，果份比賽既心態，結果他落敗了．比賽他不但沒有想自己落敗的原因，只是埋怨評判的水準．
見到呢件事，我就不其然咁想播光良果首”少年”......又係一年前，有個人話"不如出年我地參加歌唱比賽丫，就唱”少年”！！”一年後......
佢差D就做左人地爸爸......一年後，佢就一個成績跟我不相伯仲既學生，變成一個就尼被學校開除既壞學生......一年前，當大家都係到為選科而煩
惱既時候，佢就闊佬懶理......隨遇而安......
愈打愈心痛，點解惜日既朋友們會變成咁......唔通呢D叫命運......但是......命運不是掌握係自己手上嗎？
講番今日，上堂無咩特別，係放學之後忙到我一頭煙......榮哥又失蹤喇= =
之後唔理佢喇，番左屋企做會計先，做到一半榮哥先打理搵我= =Shit= =好彩都搞得掂= =
會計功課最後都做晒，好多謝馬爺既幫忙......在此謝過......
做左個人格既心測，係用九個人格果個，姐係上星期日果個
以下係心測既結果:
第 三 型 ： 成 就 型 (Achiever)
你 精 力 充 沛 ， 總 是 動 力 過 人 ， 因 為 你 有 很 強 的 爭 勝 慾 望 ！ 你 喜 歡 接 受 挑 戰 ， 會 把 你
自 己 的 價 值 與 成 就 連 成 一 線 。 成 就 型 的 你 會 全 心 全 意 去 追 求 一 個 目 標 ， 因 為 你 相 信
「 天 下 沒 有 不 可 能 的 事 」 。 動 力 十 足 的 你 ， 最 好 做 leader帶 領 其 他 人 啦 ！
又真係幾準喎......
|
| 2007 年 2 月 26 日 星期一 |
| 轉日記 |
分類: 未分類 |
新日記既網址係:http://dickykwan.blogspot.com/
開工既大日子...... 今日係豬年既第一個上課日,莘莘學子又要再次辛苦上路喇!!!今日有小小病痛係身,所以上堂都有少少時間係神遊太虛,真係想同果幾位老師賠個不是......
一早起身就覺得自己有D頭暈同想嘔,早餐都唔係咁想食......不過諗一諗......一陣無食早餐而暈左咪仲死,所以都係食左幾個小籠包,食埋藥就出門走人......
番
到去,第一個見到既好理所當然咁係門神黃......上到去見到班個Projector唔見左已經心知不妙,打聽左一番原來假期期間4a同4c既
Projector比人偷左,而我地班既Projector就攞左去比差人調查......無左個Projector個個老師都話好唔方便,不過我諗"嘜
唔係得我地級先有Projector同個果塊板,咁你地係其他班點上堂?"
到左食飯...同呀灝佢地食米線,個胃終於好番D,仲有果杯檸茶真係救我一命,飲完舒服到呀,正
番到去就係咁係到玩呀鏗......哈哈哈,人渣本色呀......不過佢又係唔抵掙既,咁大件事都唔同D兄弟講聲,簡直要拖出去不人道毀滅呀!!!
放學學生會唔洗開會,我發覺我地SU好似愈尼愈差,愈尼愈唔做野,唔知大家有無同感呢?
好!唔洗開會就同左呀健呀灝去左旺角行下......先去朗豪既muji同運動家......本來想買Keeper手套,不過都係考慮下先......然後去左果個唔知咩都行,佢地都入左貨去星期六果個嘉年華喎,係我無入到,因為好似唔多岩頻道咁......
番
到屋企,呀健既太座打尼,話問我有幾多人去嘉年華,我話得一兩個,而且我仲要未必去到......佢話要改期喎,真係唔該晒佢喇...另外呀灝多話要買
M14喎......大家係到鬥槍長咁......不過都好,可以組隊喇......Team Of NWCSS.......
 
|
| 2007 年 2 月 25 日 星期日 |
第一次打GAME  |
分類: 未分類 |
今日未收到相,聽日先打出尼啦
|
| 2007 年 2 月 24 日 星期六 |
| 一貧如洗 |
分類: 未分類 |
呵呵呵......終於買晒套wargame裝備喇......今日又出左買野,買埋個風鏡同套BDU......MC迷彩呀,正
聽日去打,希望唔會有D咩意見啦,星期一仲要番學架
功課做左大半喇,番去一步一步做晒佢
|
| 2007 年 2 月 23 日 星期五 |
| 買左G36C |
分類: 未分類 |
哈哈,今日終於買左Wargame既裝備喇......清單如下.....
金弓G36C一支,槍袋一個,SIIS 0.25G BB彈3500飛,RIS 手柄一個
都係六百蚊到咋,聽日買埋眼鏡同軍服 
|
| 2007 年 2 月 22 日 星期四 |
| 又創新高....... |
分類: 未分類 |
創新高緊係唔係淨係得恆身指數啦......仲有我既利是錢既數目......
今年終於突破左$1500大關,去到$1700喇......不過就比左$1200呀媽放入銀行,留番$500自己用......
聽日同呀Chris去睇wargame野,睇下佢去唔去打......
功課,做左d喇我,要少econ做晒喇...... |
| 2007 年 2 月 21 日 星期三 |
| 究竟係人玩電腦定係電腦玩人 |
分類: 未分類 |
政府廣告話"你玩藥,藥玩你"......原意係話比人聽要認清楚濫用藥物既後果......不過我發現玩電腦都係差唔多!!!
一早起身SET好自己壇notebook,跟住就開始搞部舊機......惡夢開始.......
搞左一大輪先發現個火牛出事......唉......我隻Antec TB 480呀 不過算啦,用左都好幾年,遲下支解佢睇下有無得整啦.......
冬之你係咪真係打架25號......係就去買野喇,之前買馬記野大家就話貴姐......宜家國產都好平啦,去玩啦
|
2007 年 2 月 20 日 星期二  |
歸家路......  |
分類: 未分類 |
時光倒流番去尋日先
話說尋日十點幾醒左起身等食飯同出發......去到火車站等左半個鐘到就上車.....時間係1:00,部車準時係1:27分開出......
坐左成三個鐘......終於到左廣州車站......不過仲要拿拿聲去坐地鐵去東站.......去到東站,哇......超多人,真係未見過東站咁多人囉......
幾經辛苦,最後都買到去深圳既車票,不過要等到七點先開....點解......早排廣州果邊條鐵路發現炸彈......引爆果陣好似炸爛左d設施......所以......
去到深圳已經係8:30......仲要坐地鐵去皇崗食飯,頂.......仲要食湖南野.......好彩係廣州食左個m記打底姐...
十點幾食完之後就去過關......好多人,但係好快過到.......最後就坐巴士到太子再轉的士番屋企喇
|
| 2007 年 2 月 19 日 星期一 |
| 初二啟市 |
分類: 未分類 |
豬年第一次打Blog,係呢到祝大家係尼緊既呢一個豬年人人心想事成,無另一半既就快d搵到另一半......
尋日初一都係呀婆屋企守株待兔,等人上門拜年.......都唔錯呀,收到唔少利是.......
利是就收得七七八八,不過未拆,但係我相信都唔錯既,估計都有千五蚊既,我套Wargame裝備有著落喇.....
聽日我就番尼香港喇,不過番到屋企都應該幾夜,因為要轉車......
首先13:20係韶關坐火車去廣州車站......大約16:00左右到廣州車站,之後就坐廣州地鐵去廣州東站坐果D特快既火車去深圳......去到深圳我諗都18:00,跟住過關,坐火車......番到屋企都20:00架喇.....
番到去就有排煩喇......第一煩----買Wargame既裝備,第二煩----功課,第三煩----屋企堆電腦問題......
第一煩就唔難解決既,有1k-1.5k既錢財......$500買支金弓M733,$120買兩個彈夾,$250買護目鏡,跟住果D錢就可以買BDU喇......哈哈
第二煩就死囉......五條會計長題目,一大張Econ既L.Q,英文作文,中文閱讀報告,人文功課,人文專題研習......Shit......
第三煩就番到去睇下果兩部機咩環境先喇......
|
| 2007 年 2 月 17 日 星期六 |
| 年三十,都要比人嚇多幾嚇...... |
分類: 未分類 |
尋日年三十晚,食完團年飯之後就番左呀婆到......同班友仔msn都可以係收到兩個狗年最後兩嚇......真係心血少d都死人呀......
詳情係點?緊係唔講啦,遲下大家咪有好戲睇囉XD,一定好戲連場啦總之!!!!!
冬之講得無錯,呢家野真係比你估十次都估唔到,你講比我聽果陣我都o晒嘴,啞晒.......
不過點都好,我都支持你既,雖然成功機會唔多大....
所以呢,如果唔得就好快d轉移目標喇,橫掂咁多人等緊你
仲有呀,呀欣你唔好要叫我派利是比你,我未結婚架
|
|
