嘩卡卡..

晨早測幾何.. 唔識做 ~

中文堂..作文~ 題目大約係將自己代入一個人物..

之後寫下野咁..

諗左個項羽黎作..作左兩行先發現冇資料寫唔到

之後呆左兩堂..

中午放學..拿拿林番屋丘搞左個生平出黎

跟住拎去中星度印.  仲差d搞到遲到..

4點放學 成班友仔留番係課室作文..

作左2分鐘都冇.開始係度飛樽蓋

玩下寫下咁..去到5點..課室鎖門

又去左教員室前面寫..

跟住肥星開始係度講笑話..

由8佰伴講到咩奴d入面果隻好似象ge野..

笑到班友仆曬街咁..

講下講下又6點..

作曬~交野走人~

今日又去左打波..都係慣常ge波友..慣常ge士多..

遲左3個字..柒叮佢地居然冇x我..

到左籃球場之後見到對面半場果堆又係粵華黎..

射左陣籃版..見到琪哥跑緊過黎..我同邦生呆左..

算數..反正差咁個人..開場..打三十..9:10飲恨

唔知點解係左手邊上籃成日都唔得..

可能真係技術問題. ... 

打到11令..又有粵華ge人黎..

印象中係堅野黎..

我地呢d新手點夠打..

好在外圍投射都ok..先未至輸得太慘.

好鬼曬..打左陣走人.

因為之前太懶唔想打blog所以依家補番之前果d~

黑雨之後ge星期日

陰陰沉沉咁..食完早晨叫埋柒叮同邦哥仲有我表哥去打波....

慣常咁都係去番去開果間士多買水..買多兩支大維他<~1支幫柒叮買..4雞一支

去到海皮籃球場..都係慣常咁搶陣籃版之後同其他人開場...

打打下..狀況發生  個波撞中果放左係旁邊ge果堆水

當我地未黎得切反應該果陣

果幾支水已經係旁邊條空隙度碌左落海..

郁悶..跟住都冇理到..諗住到時口喝先去買..

打下打下..見到有d港務局ge艇仔黎汁垃圾..

有條友講笑咁講叫佢地幫我汁番d水..

點知過左陣隻艇仔真係撈番果兩支水上黎

跟住柒叮拿拿林話d水係我地ge..

佢比番我地

艇仔上面果條友仲叫我地小心d..唔好放d野係近海果邊..

跟住愈落愈大雨..番到屋丘已經變左水人

拿拿林沖涼~食飯~

嘩卡卡..咁快又到星期五

番到黎發現自己唔記得帶兩份卷..咁就欠交兩次...好希虛

仲要自修堂比潮水話:你欠交功課情況好嚴重bo..  (係係..)

你想唔想升班嫁?  (想..)  你再係咁你遲d會好麻煩嫁bo..(恩恩..)

比佢搞到咩心情都冇曬..

跟住下午派化學..炒左

依家好掛住原先ge化學阿sir多啦a夢..

雖然佢講書用依家果條友都係一樣咁悶..

最少佢出卷易d ma..

放學去左剪頭髮..又去番上次筷子基巴士總站附近果間野度..

今次係姐姐同我剪.

佢剪得好認真..剪完出黎..我覺得都ok ..

最緊要佢剩剪好平 ..學生價mop38 

跟住沖番屋企沖涼 ~

復活節..完全剩係係屋企發呆.

食飯就訓覺..訓完覺就打機..打完機就溫習..行屍走肉式咁過左5日.

完全冇特別野值得我記落黎 ..

今日..中測第一天..中文物理

今日訓到6點11先起身..

拿拿林咬曬個菠蘿包沖左去巴士站搭車.

第一次行學校新大樓正門  感覺唔錯

坐左陣就打鐘開始測 ..

中文測先..唔錯  都寫到幾個字出黎..

物理..還可以..  可惜我係條計算題畫蛇添足 寫多左d廢野上去..希望犯賤唔好扣我咁多分 -3-..

番到屋企..因用腦過度..訓左2粒幾鐘先醒得番..

跟住番去補習 ~

咁又過左一日..