琴日去左澳門玩，住葡京，都ok既~

但坐船去個時勁搖，超多人嘔....

去到呢兩日都係到落雨......

所以冇咩地方好行~~

去到大三巴(?)一落去個間鉅記服務質素好差(係其中一個~ 謎:關你咩事...)

由於冇咩行既關係，大部分時間都係酒店到玩電腦xd"

之後行左好多唔知咩街

試過澳門出名美食，都ok la~

去左威尼斯個到玩，個間野真係好好玩嫁~

啊媽原本話買個袋俾我，但最尾我都係好成功咁拖左佢走xd"

之後晚上就係房睇電視，佢地就去賭場玩~好夜先返

今日就去左永利睇吉祥樹，睇左3次，除左有一次係出生肖

啊媽都係去左賭場...

之係就去左媽閣廟，冇咩好睇，加上落雨....

搵食lunch個間店搵到好耐，但最終都搵到，今餐埋單要$460....但唔係好多野食，得4樣，好貴= ="

之後就回家啦~

回程個個船超舒服啊~

但冇學日文好開心啊~(媽:咩話，你冇學，你想死啊)

今日就係咁啦~

今日3點幾(係早上)個時俾收音機嘈醒左

之係聽左幾個鐘先訓左陣

起身又頭痛，又流鼻水，超唔舒服....

之後中午去左交收西史書，去完就去左旺角行下，原因係今日睇電視見到講雪糕，好想食，咁就去左啦~~

之後行左去銀城個邊，問d野，返去個時仲落緊雨，但見到有好多人圍住某地方

基於好奇心既關係，去左個度睇下，原來係有人拍電視，見到有陣法拉，蒙家慧，馬德忠(?)係到拍，好難先影到佢地，之後就去左搭火車

但都唔係返屋企，反而去左商務睇書，係睇書既期間，我用左成包紙巾，係度同大家講，有病真係唔好出街！

之後終於都返屋企啦，落超大雨，對鞋濕左....