好多謝各位有睇我個blog ge同學!尤其係Terry,蔡蔡,Thomas,星同埋aR汪~
其實我之所以要重開個blog,係因為想大家可以諗諗可以做D咩繼續聯繫或者大
考完左後搞咩班會活動,今年都冇乜搞班會活動~我諗佢地會係大考後先整,事關
之前大家都冇乜時間~可況又諗唔到咩活動,不如你地同班會講想搞咩活動la,希
望大家可以係中三留低屬於我地ge`美好回憶`!另外有D野係想同一D人講ge...
TO:蓉蓉
幼稚園識你~過左小學後又遇返,宜家重可以做到好朋友~真係估唔到!有時你實在太過天真,單純~令到我真係唔係咁想同你講野,因為講極你都唔明!不過咁先係蓉蓉嘛! 有好多時你都會向好ge方向諗,但係我就唔係,但係正正因為咁,我宜家都仲可以識諗好ge方向,唔洗淨諗衰ge~你已經決定入理科la,but我重未決定~唔知我地最後會唔會同班呢?
To:aR瑞
初初識ge時候,我好開心咁快又識多個朋友~但係到到中期我地開始都不滿對方,同其他人講自己ge不滿,but就唔當面解決~我聽過你話我~你都有聽過我話你,或者要做好朋友真係唔容易,一定要經歷過先可以~雖然到目前為止我都未完全認識你,但係我好肯定~宜家ge我地已經係好同學,好朋友,就算再聽到任何對我地ge是非都好,我都係會相信你!!!
To:紀紀
入2E前已經聽過唔少關於你ge野,入左2E之後就更加唔洗講la! F.2 ge時候我只係當你係普通朋友,根本冇諗過可以做到好朋友,因為當時我覺得你太靜la!但係升左F.3之後,唔知係咪蓉蓉同aR蔡ge關係~我同你就越黎越friend,後來發覺紀紀你並唔係靜ge人~你都成日講野ge,不過通常都係講SJ ge野~10號個日如果嚇親你ge話,真係好sorry!亦都好多謝你咁關心我~多謝你丫~^~^~
To:Sue
F.3開學我就同你坐,aR琛坐後面~個時我地幾乎日日都有野講,有時仲一齊講是非添~haha!不過當再調位之後,我地開始冇乜野傾~講都係講`邊個放書.邊個拎書.拎左書未`雖然我同你唔係好friend,but都算係朋友~唔知你有冇發覺你近排變左好多呢?可能你會諗你地夠係變左好多la~但係我想同你講,班上面冇人會特別針對你~唔洗太過敏感,擔心,佢地改你花名~純粹玩下,如果你介意,我地可以唔講~but你唔講,我地唔知你點諗! 如果我之前做左D咩令你不滿ge~我係到講聲:「對唔住」~希望我地都可以做到永遠ge朋友la!
To:Thomas
好開心識到你,我都唔太記得點識架~好似係你F.2坐我後面ge時候開始熟...係班上面,你都算係頭號人物la(頭號緋聞人物)!我知你ge唔算多,but 都算知知地ge~一直以黎,我都當你係好朋友,好ge aR伯(你似ar)有咩事有時都會同你講,你都會同我講la~其實唔知點解我會同你講,每次同你講野個feel我都覺得似女仔傾計,所以有咩我都唔知太介意同你講...升左F.4可能唔同班,但係我都希望同你保持聯絡~好朋友!
To:???
我唔知重可以同你講D咩,由F.2至F.3我同你都冇乜真係講過野,但係我自己都唔知點解可以發生咁多野,有喊過~亦都有笑過,或者你會覺得我成日唔知點咁~令到你好煩...但係我份人就係咁,我都知自己咁ge性格真係好令人討厭! 一開始大家都有錯,宜家再諗返都冇用~都完左la!可能當時你好難作出決定,但係宜家我知道你冇作錯決定!我知道要做返朋友係幾難ge事,此終都已經發生左咁多事...我好希望我地至少可以做返朋友,以前ge都過去la~雖然到宜家我都唔知你點諗,做返朋友?定係當唔識對方? 都係你ge選擇,你ge決定......
|
