æ¨ Sweet Life ~* - QOOZA 網上日誌

Dorries

暱稱：問雪
性別：女
國家：香港
地區：大埔區

女

Enjoy一個人的快樂 ~~~~

2006 年 2 月 14 日星期二星期二

今日唔洗返工，都好得閒

下午整蛋糕食，但係個買相就唔多得，有待改進﹏

下次，我整得靚d再請你食呀!!我知你唔多鍾意食cream，所以我整蛋糕無加到cream落去，同埋少甜~

情人節*希望一對對ge長長久久,everytime都恩恩愛愛

單身ge快d出現童話王子/公主

我呢~*Enjoy一個人的快樂 ~~~~

刊登時間︰2006-02-16 12:54 AM [ 訪客留言(0) ] [ 編輯日誌 ] [ 分享至FACEBOOK ]

我炒車呀...整到損手爛腳

2006 年 2 月 2 日星期四星期四

今朝好早俾阿媽吵醒，話陪佢返鄉下…

唔知點解個頭有d痛，可能尋晚太夜洗頭又無吹乾就咁訓啦，因為同個Fd出左去大埔墟食宵夜，返到屋企佢地已經訓曬覺，咁費事嘈醒佢地啦，沖完涼就咁上床訓囉﹏

十一點幾就返到去阿爺阿嫲屋企，佢地仲問我地點解咁遲先返到哦(差唔多啦~)，咁我同細佬都未食野，波叔又未起身(好似係岩岩返黎)，咁我地咪揸電單車出去買d野食囉。

點知我又睇唔清楚路(我諗仲未訓醒掛)，唔知落完斜路之後係高左一級，咪產左過去lu，點!?炒車囉!搞到周身都損，痛死我啦.....

夜晚係阿嫲屋企食完飯，同阿姨一家出深圳去佢屋企過夜。

聽朝一齊出香港

刊登時間︰2006-02-19 12:01 AM [ 訪客留言(0) ] [ 編輯日誌 ] [ 分享至FACEBOOK ]

出香港lu，返屋企啦~~~

2006 年 1 月 31 日星期二星期二

朝早同阿星一家落酒樓食早餐，跟住就返上樓商量去邊，佢地話去浸溫泉，我無咩興趣哦。

我諗住訓午覺啦 (好黑人憎呀) 訓唔著 .... 睇左陣電視，無聊得很，落街到M記食d野，跟住去網吧玩左三個幾鐘。

跟住咪返去食飯，食完飯先落番黎香港﹏之後到太和食宵夜

刊登時間︰2006-02-16 12:53 AM [ 訪客留言(0) ] [ 編輯日誌 ] [ 分享至FACEBOOK ]

去左七星岩玩呀 ~ 好靚呀 !!

2006 年 1 月 30 日星期一星期一

好好天氣呀，行左整日，曬到燶左lu，又遊湖﹑又餵魚﹑又爬山~ 仲影左好多相ar

影出黎感覺好正呀>.<但點都係實景靚d !

雖然累，但玩得好開心^^物有所值 §

但點都係有d野煩緊，我都唔想諗，but做控制唔到…

"還未解得開的這一個鎖
難道蒼天都愛莫能助"

刊登時間︰2006-02-16 12:31 AM [ 訪客留言(0) ] [ 編輯日誌 ] [ 分享至FACEBOOK ]

收到好多利是呀^.^

2006 年 1 月 29 日星期日星期日

咁多年，今年ge新年係鄉下過呀，收到好多好多利事呀!!好開心呀~~~

到中午阿爸先見人 (激死!)，跟住阿爸,堂哥,我,同埋丹丹(波叔女友)去左cafe食野，原來丹丹有左兩個月啦，真係睇唔出哦!!

到下午三點幾，波叔車我地到廣州，但因為唔識路呀，遊左好奈車河......

到廣州都五點幾六點啦，放底行李，就同阿星成家去酒樓食晚飯﹏之後上樓到即刻沖涼,訓覺，又過左一日啦

刊登時間︰2006-02-16 12:06 AM [ 訪客留言(0) ] [ 編輯日誌 ] [ 分享至FACEBOOK ]

« | 27 | 28 | 29 | 30 | 31 | 32 | 33 | 34 | 35 | 36 | »