今日我放左工之後因為冇煙啦...
咁我就去左7仔開煙...
平時我好日都唔會係銀行果邊門入7仔...
今日唔知做咩...
冇啦啦就係果邊入去...

點知比我見到佢同兩個fd係中銀到...
之後我買完野就上番去公司打個電話比佢...
我問佢係邊...
佢夠膽同我講話係學校..
然後佢係咁係到笑...
我就問佢笑完之後再講多次...
點知佢同我講話唔得閒cut左我線...

咁我就去左m記果到一直望住佢...
果陣sd左幾個sms比佢...
但係佢都係得個睇字...
一個都冇覆...

其中一個sms就係要佢攪掂之後上我公司搵我...
我有野同佢講...
之後佢上左黎啦...
咁我想同佢單獨講...
點知佢死都捉住個fd唔放手...(佢驚我姦左佢咩=3=")
之後攪下攪下仲攪到去大快活到講...
(一日最衰都係個死人明心)

咁我係果到問佢野果陣佢又講到唔清唔楚...
最後佢話一陣打比我....
咁ok啦...

之後我番左屋企...
番到去我開電視睇左一陣...
點知做緊爆丸...
咁我諗住睇埋就沖涼啦...

點知睇睇雨佢打黎...
之後我就一口氣咁講曬我要講既野...
我feel到佢都好似好認真咁聽...
到我講完左之後...
我就問左一個好唔好...
佢答左句"唔"...
佢答完之後我估佢地d女仔多數都會有一陣個腦係空白既...
所以我就搵左個直口...
話我好攰...
想訓一陣...
(其實我仲未沖涼...點訓牙)
就咁就收左線啦...

之後我攪掂曬所有野...
係張床到果陣覺得好開心...
於是我就sd左個sms比佢...
同佢講...
我同佢果餐飯我仲等緊...
不過我希望下次比我既時間你一個確實既時間...
我唔想再係得到一個唔清唔楚既時間...
希望下次真係可以得到個明確既食飯時間啦...
仲有我真係好想佢可以明白我同佢講既一句話...

最後我最想同佢講一句...
無論我以後得到你又好...
得唔到你又好...
只要你每日都可以開心快樂...
咁我就覺得係人生最美好既事...