幾日前 有一個朋友問我.
[點解你可以過得咁開心 無煩惱?]
平時 番學日子壓力的確幾大.
所以平日放左學之後 我唔會再諗番番學既野.
盡量可以既話 我會自己一個人放學;
因為我好享受 自己同自己相處既時間.
我都係因為咁 我先會諗得通好多野;
係屋企 除左做功課同溫書.
我會俾自己靜落黎.
我好中意諗野.
特別係 係屋企既時候.
我亦都好中意係條街到自己一個行.
因為我會諗到好多野.
我亦都可以用風景黎清洗自己既頭腦.
望住條街 真係會覺得個世界真係好大.
唔需要為左小小野而執著;
時間唔會因為我而停留.
因為我唔夠資格令時間停留.
咁我都唔應該俾一啲唔夠資格既野係我個腦到停留.
星期六日.
如果唔係星期一有測驗.
我會俾自己放鬆落黎.
好好咁訓一教.真正咁放慢腳步;
至少我會覺得我係生活緊 唔係生存.
有啲人會覺得我好奇怪.
旦係事實係 我比佢地活得更好.