無喇喇嘴邊哼起一首歌 有感而發
「無法再與你交心聯手
畢竟難得有過最佳損友
命運決定了以後再沒法聚頭 但說過去卻那樣厚」

望番戈啲曾經好熟既朋友
慢慢變成普通朋友
然後變成行過都唔會打招呼既朋友
最後 陌生人
有啲關係 明明就好想去維繫
但又覺得有心無力
可能因為太忙 因為大家都覺得唔夾
又或者只係 緣盡了
天下無不散之延席

有啲朋友 起初好熟
次次見到都好多野講
到慢慢 幾星期先傾一次計
然後 兩三個月先傾一次
最後 靜係會同佢打招呼
直到戈陣 我先明白
一段關係 並唔係你想維系就維繫到
我地可能從來都無嗌過交
但係慢慢 就疏遠左
有啲人 我同佢日日都鬥咀鬧交
偏偏 我同佢就走埋一齊 有佢既地方就有我
而我地 又唔知會係邊一日
唔再形影不離

我地 就不斷係呢啲離離合合中 承受痛苦
直到有一日 對呢啲感覺習以為常
就變左今日既我 對離別 習以為常