今日一早起身,拎齊野就出發......
去左觀塘上老強,上上吓落雨 !!!!!!頂,失身
點半鐘落堂,九秒九衝到APM等等車,又再次下雨,頭盔、手套、衫褲鞋襪底褲乜7-11都濕曬
兩點零鐘到左荔枝角九巴總部,上人力資源部等候中,明明兩點三先見,咁早到托杉咩,唉!又等
開始啦!填表,乜野都寫D咁啦(諗住見得啦,又要考試)
考完跟住又等,等左我大半個鐘,大佬我見學徒姐,見CEO咩!
然後講一大輪野
內容如下:
大家好我姓X(唔記得左姓咩)我同大家介紹吓先
我地學徒嘅起薪點呢係五千左右(我夠知啦! 唔通有五千萬咩),同埋我地係要供強積金(唔通唔使),而升左技工就有九千
一般嘅訓練就大約四年(咁我想問呢係咪有非一般嫁,都痴孖根嘅)
我地嘅工作地區有九龍灣、荔枝角、沙田或者屯門(唔通有香港島呀)
工作時間呢就係上晝八點到下晝五點一星期就返六日工,其中一日就要上VTC嘅技工維修訓練(姐係又要讀書啦)
我地嘅空缺就有汽車機械、汽車電器、汽車車身
如果係受聘左呢會有以下嘅福利,員工醫療福利、十六日有薪年假、住院保險、免費乘搭巴士等等(咁姐係仲有D咩呀)
講到呢到有冇問題x2(冇人應)
好,等陣我地會叫名面試(好啦又等)
完!
依家我就等驗身,之後交返D資料,如無意外呢就等佢俾個時間等返工!
頂唔頂得住尼四年都係一個好大嘅問題
又要讀書又要做野,真係好辛苦
望就望尼四年快D過,快D升技工就唔使咁辛苦啦
我嘅前景真係一片光明囉!!!!!!!!!!!!!
3號波啦,依家忽冷忽熱,開始作感冒呀(唔通我有H1N1,我唔要特敏福呀!)
|
