今天同馬囡、Janice & Alana 去貝澳

我們在東涌集合，再乘巴士入貝澳，好遠啊！條路又迂回，搭到想嘔！

去到後，行入沙灘，個灘超級靚！又夠大，同乾淨，o的沙又幼！真是一個天堂...

我們就去換衫，走出更衣室後，不幸的事發生

走到沙灘時，聽到救生員宣布：雷暴警告現正生效，為確保泳客安全，請大家盡快離開水面

我聽到後，真係好灰，望住咁靚個海，竟然無得落水，仲要已經換左泳衣

之後個天就開始變黑，仲行雷，浪仲越來越大

後尾，我地只好在水邊玩，都好過無啦！

玩了約半小時就要走，因為成個天黑哂！好掃興啊！

之後搭番車出東涌，去M記食晚飯，傾到十點幾時回家

今日可以算是遊車河日...............

回家洗澡完畢後，爸爸便送了禮物給我！竟然係生日禮物！

我2月才生日，今年可算是最早收到生日禮物的一次

爸爸話因為我就快去英國，所以送定比我先！真係好感動啊！

份禮物係楊千嬅做代言人的錶一隻！Really so so so happy! Thanks a lot!