約左咁耐，終於到今晚的Gathering

我地由"阿媽搵你"轉去Rice Paper食越南菜

一共有九人........但有一個遲黎....heehee......

大家都係邊食下邊傾下......氣氛尚算ok.....無想像中咁Worse

但預期會出現的問題仍有出現!!! >< 不過都算ok!

我真係好鐘意見到Irene Ma啊！真係好耐無見.....但係每次見到佢都覺得好親切！^^

當然仲有係Beeto啦！同我兩年前認識的他一模一樣.....個樣同性格都無咩變

聽見大家都去旅行，有的去意大利、有的去匈牙利，真的令人羨慕！

羨慕的並不是去的地方，而是你地的生活方式，估唔到番工的你地都可以抽出咁長的時間去旅行！真開心！

我更羨慕的是Beeto竟然可以放棄工作，而去讀3年full time! 真係有勇氣了！

真係好希望下次再有機會Gathering....但係係想係我預期中的Gathering

講真，我真係好少好似今次咁做搞手

約人方面我覺得自已係今次Gathering入面最失敗的地方

尋日真係好Down...真係有諗過唔去，但咁樣實在太不負責任了！

最後今日都有出席，感覺還可以，幾開心啊！

今日出左GPA......真係好開心！

還記得Year 1 的Semester B 成績差左！所以諗左好耐去唔去北京！因為怕番黎後得一個sem會拉唔到...

依家拉到，真係超開心，無論升唔升到本地U都好，總算比到自已一個交代了！

夜晚上psycho的最後一堂，完全唔係以前上最後一堂那種依依不捨的感覺，反而係想快o的走！！！

係我地放學後，好巧合地比我地撞到Beeto....真係好好笑，上第一堂時撞到佢、依家上最後一堂都撞到佢！

果然好頭好尾.......haha.........

之後同Bonnie出尖沙咀行左陣&去食野！then go home........

好事接住黎，反而令我有o的怕！

今日一早去左奧運training.....要去大球場附近.....好遠啊！

上training個感覺就好似上lecture咁...仲要係朝9:30到晚5:30...救命

包埋lunch.....但最後我都頂唔順，早走左

去Sogo行左行，go home.....夜晚一家人去稻香打邊爐，好好味啊！

番到屋企都成12:00，之後澡涼、上網

Beeto覆左我，係good news....但唔應該開心住，要到當日真係見到佢先至算係！

仲有o係我周圍去o的網睇時比我發現左樣野！好suprise! 好開心！

我真係好鐘意你講得出、做得到的性格，亦好開心你真係會在乎............

直至現在，我仍然沒有後悔過在你身上所花掉的四年時間！！！

今日下午同Stephanie出佐敦取 offer letter.....再番city搵Biily sir同Fanny

無咩結論......但比Fanny嚇親，佢竟然向我道歉...我真係覺得唔好意思！！！

之後 join Bonnie番BU.....途中比我撞番郭sir

佢話我個樣無變過....haha....而我就覺得佢肥左！但仍然好似以前咁咁得意！^^

同佢傾左幾句.....個感覺好親切啊！

到BU...去canteen...叫咩無咩！！！><

之後上堂，仍然唔知佢講咩，上完就好似無上咁！上左幾個psycho course ，第一次有咁的感覺！

覺得自已越黎越唔想讀psycho....原因有幾個

1. 內容越來越深

2. 同o的同學好似越來越唔夾

3. 個阿sir問題，今時唔同往日

4. 好似讀完無咩用

唉！真係無諗過會咁.........再等下，睇下自已係咪真係會繼續讀啦！

夜晚回家時，我望上個天，睇下個月亮，今日個月亮好圓啊！

令我勾起對北京月亮的回憶！香港的月亮真的無法與北京的相比..

北京的天比香港清，每次望上天，月亮永遠都唔會好似香港咁比雲遮住

而且，北京的是一個會微笑的月亮，但香港，我卻看不見！

突然好掛住我從天安門望上天的月亮、從清華望上天的月亮、還有就是.................

好想回北京賞月啊！

今日要去西營盤的長春社睇遲o的搞exhibtion個場！

搭MTR去金鐘再轉巴士，好遠啊！好彩有Step陪，咁都無咁悶........

去到竟然無冷氣，遲o的仲要係這樣的環境present...唔中暑都難啦！

去左一陣，check好o的野，同Fanny講聲後就走..........

去茶餐廳食野.....個待應好搞笑！但比佢串左

之後自已搭巴士番九龍灣......搭左成個鐘

番city整持續進修基金o的野...但整唔到！好煩呀！

go home! 聽日又要上堂........好忙啊！！！