用過幾把唔同既貓梳, 覺得蚤梳最好用, 搵d小朋友示范下先, 由於時關係, 已經梳好左啦!  蚤梳

顧名思議係梳蚤既, 既係話有蚤梳蚤冇蚤就梳毛, d毛毛'次'係把梳到唔會周圍飄, 勁好用!

藍色個把係家寶既, 佢來左個幾月, 最少梳左十幾次毛, 仲有咁多死毛, 睇怕佢咁大個仔從來都冇

梳過, 足足梳左半個鐘頭.  粉紅色個把係家俊同家男既, 由於佢地經常梳毛, 加埋都係得咁多, 睇下

梳完既靚樣先

俊哥仔白芒芒好難影都見到一條條毛毛係分開既, 摸上手非常之柔軟

男妹妹黑盲盲反晒光同樣見到一條條毛毛係分開既, 摸落去簡直係滑不溜手

小寶寶成舊炭咁一樣見到一條條毛毛係分開既, 同初來個時真係差天共地

呢兩種梳都又貴又唔好用

呢種咁疏齒邊梳到毛架, 按摩作用或者有既, 又梳到d毛周圍飄

呢種得個靚貓樣又係梳到d毛周圍飄, size 又大喎, 朗來朗去, 貓樣以外d布

又'次'毛喎, 當按摩用貓貓係幾鐘意既......