7月11日凌晨我邦家寶沖完涼再用 '牛奶水' 噴佢全身.  家寶中左毒, 出現嘔吐, 昏睡, 腳軟情況,

7月11日早上11點送左入太平道診所, 要留院兩日吊盬水, 驗血報告話佢一切正常, 獸醫話佢d

皮膚唔似係疥癬蟲, 要拎d毛毛去種菌,  12 日後先有報告睇, 又話 '牛奶水' 係俾狗用, 無論開到

幾稀都唔俾得貓用.  我陪家寶到 2 點半先走, 見佢食左d野嘔番晒出來, 獸醫話會邦佢一日打

3 支止嘔針, 又同佢打左支解毒針. 11日晚 9 點同老公再去探佢, 職員話同佢斷食、斷水要到

12 日凌晨 4 點先再俾野佢食, 見佢好叻仔識得去廁盆小便, 但仲係企唔穩.  呢排d小朋友太多事,

我覺得自己已經冇晒分析能力......小寶寶啊小寶寶, 請你原諒媽媽既無知......小寶寶啊小寶寶,

只要留番條命仔就算做左植物貓媽媽都會接你返屋企......

12日中午去探家寶, 見佢肯食野, 冇再嘔, 但是一聲都冇 mew 過, 訓係廁盆到又唔彩我, 夜晚再去

探佢, 見佢唔肯食野, 原來佢驚對面病友既家人, 要我遮住先敢食, 又係唔彩我, 一聲都冇 mew 過,

唔知係咩啞左, 昨日係咁 mew mew 叫又唔俾我地走, 職員話佢成日訓係廁盆到, 會唔會已經傻左

啦?  如無意外, 13日驗多次血冇事就可以出院.