小朋友食左生肉都差唔多有一個月, 係時侯跟進下啦.
家俊同家男一向冇食; 家寶淨係晚餐先食; 妹豬因為食緊處方糧, 所以只會晚餐加d肉;
其他小朋友早餐會有少少乾糧, 晚餐就食生肉. 係呢段期間阿莎同阿嬌間中會肚瀉,
仲有就係全部小朋友都消化唔到生骨: 好似牛仔骨咁會嘔番出來, 食完魚個口真係好臭......
不過d臭臭份量係少左同埋牙肉乾淨左, 原本都諗住俾佢地繼續食...點知前幾日出左事.
首先阿嬌係9月5日出現嚴重肚瀉, 半個鐘頭內瀉左5次, 一路痾 一路慘叫...當晚阿嬌轉食
熟鷄飯, 有好轉. 9月6日到阿莎肚瀉...跟住到仔仔、阿雪、妹豬, 既晚全部轉熟食, 9日7日
阿莎同阿嬌冇再出現肚瀉, 而仔仔、阿雪、妹豬就嚴重左...不停地進出厠所, 有時開唔切
門就周圍痾, 床啊、墊啊、地下啊......家寶衰到痾落仔仔張啱啱先洗完既床到......9月8日
清晨2點妹豬痾左落我地張床到, d野要4機先洗得完, 到5點仔仔又痾左尿落自己張床到...
又要幫佢洗床, 淨係今日已經洗左3次啦......宜家仔仔、阿雪、妹豬要斷食24小時, 唔得
就要斷食48小時......至於第日俾佢地食番生肉既機會應該唔大啦, 雖然唔知點解會咁樣......
見到佢地咁痾法真係好心痛...妹豬就來13歲啦, 以前未試過肚瀉; 阿雪呢3年幾以來從來
都唔係屋企痾屎架, 唔帶佢出街就唔痾, 最高紀錄係5日, 連獸醫都唔信......但是今次佢竟然
忍唔到係廳到痾......可想而知佢有幾辛苦......最高峰時有6個小朋友肚瀉......
嘩...太陽出來了！兩晚冇瞓啦...好攰啊......
每日既狗碗有無消毒 ? 不過唔緊要啦 ! 狗狗健康先係首要 !
take care !!!
辛苦你喇∼∼∼
佢地唔受得食物突變．．．．