前幾日見天氣開始轉暖, 幫妹豬剷清晒D毛毛, 平時有毛毛遮住唔覺有咩野,

冇左D毛毛遮住, 一身老狗斑既刻無所遁形

眉心、 耳背、頸都生有呢D脂肪瘤

以前會幫佢剪史納莎髮型, 不過最近呢幾年都係剷到光禿禿, 因為佢已經

唔肯比人梳毛毛, 特別係手手腳腳

老人家既怕熱又怕凍, 冇左D毛毛就要同佢著衫衫, 差唔多一年四季都要著,

夏天開冷氣都要著, 佢D衫大部份都係我做既, 著緊呢樣係專登買左件童裝

衫改比佢, 品質有保證之餘又岩身  

睇住妹豬D老狗斑越來越多, 皮膚越來越冇彈性, 體力越來越差, 難免會有D

唏噓, 不過畢竟都13歲喇, 冇病冇痛, 行得走得......呢一年來掛住玩花同埋

上網, 少左時間陪佢, 都係時侯反省下喇......