見天文台話星期二會好凍, 星期一就幫五隻狗狗沖涼涼, 仲換埋季

第二朝就見阿莎咬爛左塊布！

到左下午阿雪同仔仔張床都比貓屙左尿落去, 唔使問...一定係家寶霸地盆！

家男就成日唔係訓係阿莎張床, 就係訓係阿嬌張床

搞到twins成日要訓地下

阿嬌張床大D都要打狗餅先訓到...  

今日見連阿嬌張床都有尿蹟, D尿仲滲落床下底, 用醫院味消毒清潔液洗左

幾次都仲有味...塊墊唔想洗...掉左, 唉！D野洗極都洗唔完......

用塊收起既舊墊界岩呎吋, 再用塊皮包住比阿嬌訓

遲D再整埋床圍就靚晒, 不過阿嬌好似唔係幾鐘意咁

淨番果塊皮比埋阿莎用岩岩好, 阿莎張床細D, 如果家男訓上去阿莎就會落

地, 又要出手抱走家男......

唔好睇D貓貓細細隻咁, 佢地成日蝦D狗狗架, 張梳化頭尾有得挨都比佢地

霸左, 妹豬要訓中間好唔開心, 成日要同佢地執過D位, 總之D貓貓就成日攪

事, 貓與貓之間又成日吵架...淨係做調停人都好忙, 入左書房叫極都唔出來,

閂左門又係咁叫開門......  唉...一句講晒: 多得D貓貓唔少......