狗狗們每日去完街街都要用暖粗鹽水由頭抹到落腳消毒嫁, 試過有一排偷懶

就咁抹四隻腳就算, 點知阿莎就開始周身勾, 搞到好似生滋狗咁, 想偷下懶都

唔得, 所以長期都有粗鹽係到, 呢兩日d鹽俾人買晒, 屋企得番一包存貨... 

好在之前係地攤買左套 $10 既浴鹽同淋浴露俾佢地用, 浴鹽抹身用, 淋浴露

洗貓廁所用, 都用左2-3個星期有多喇, 效果都唔錯, 唔係買唔到鹽都唔知點

算好...

三隻野去完街等抹身...

用熱水開浴鹽, 溶左就可以抹身喇...

阿莎d皮膚好番晒, 出街唔使再俾人問來問去, 影相又唔使再就住來影, 狗狗

們每日去完街街都要用暖粗鹽水由頭抹到落腳消毒呢個方法係獸醫教嫁,

真係好有用, 貓貓都用得嫁！ 而我自己雖然抹到對手粗晒, 但都有得益嫁,

以前對手成日生既細細粒痕到想死既水泡從此消失左, 都有2-3年囉......

****************************************************************

                                               順手帶回家既禮物

昨日拎左盆花去俾黃太, 黃太又執左袋野俾狗狗食, 多謝晒黃太！！

昨日去黃太度唔淨止去錯樓層仲去錯隔離座, 好似患左老人痴呆症咁, 睇來

要學下打麻雀先得喇......