昨晚散步途中見到隻雀企係地下, 以為畀人剪左羽毛所以飛唔起

阿雪對佢好有興趣

抱上手睇清楚原來係隻雀BB

岩岩有個男人經過又執到隻, 話我咁樣會整死隻雀BB, 要好似佢咁

嘩！ 真係得呀！

雀BB非常非常之可愛

玩左好耐唔捨得放低.......佢竟然痾屎落我隻手度...

阿雪: "媽媽, 不如我地帶佢番屋企呀..."

樹獺: "屋企冇雀籠又冇虫虫畀佢食......."

雀BB: "佢地想帶我去邊呀？"

阿雪: "媽媽, 佢爸爸媽媽來左呀！"

樹獺: "咁我放佢落地喇！"

阿雪: "雀媽媽, 你隻BB係度呀, 快d帶佢番屋企喇！"

可惜雀媽媽淨係帶走左識叫識飛果隻, 留低左雀BB孤伶伶係地下...

驚畀人鬧唔敢帶佢番屋企, 想放係樹隻雀BB唔肯離開我隻手

最後...依依不捨咁放低佢...

回程見隻雀BB就咁企係度訓覺

將佢放入d等d樹葉遮住佢, 咁樣會安全d...

阿雪: "好彩媽媽冇話真係帶番屋企, 唔係實畀貓貓們玩死都似！"

阿雪: "雀BB你保重喇！我地聽日再來睇你！"

妹豬: "保重喇雀BB！"

今日再去雀BB唔見左, 希望係佢爸爸媽媽來帶走左佢......保重喇雀BB.........