前排因為屋企裝修困晒d小朋友入書房, 見家寶都好乖冇係裡面痾尿, 呢排

係書房開冷氣都畀佢入埋去, 一直都相安無事, 點知今日出事喇！！

家寶唔敢面對鏡頭...

阿雪: "媽媽, 佢仲成日痾尿落我張床！"

阿雪: "有次我冇睇清楚訓左落去, 搞到成身臭猛猛, 仲要岩岩先沖完涼！"

家俊: "家寶你今次真係太過份喇, 個腳部按摩器係爸爸嫁！你知唔知呀！！ "

家俊: "個腳部按摩器仲係我同男妹妹兒時既回憶......果陣我地仲細, 訓落去

           仲有位淨......"

家男: "媽媽, 今次一定要重罰家寶, 佢已經冇得救喇！"

家寶呀家寶...今次真係大大鑊呀！ 你痾落邊度唔好, 做咩要痾落果度呀......

收養左家寶兩年喇, 兩年來佢無停地周圍痾尿, 小朋友間房畀佢搞到一陣

尿味, 阿雪張床係重災區之一, 有時一日幾次, 洗洗抹抹已經做到麻木晒,

亦掉左唔小冇得洗既野......

唉！ 今次既冇得洗又冇得抹...聽日屋企呢個十號風球睇怕都走唔甩......