家寶最易搞, 打頭陣...

見佢乖就咁用花洒沖身...

吹吹下毛.......竟然係度嘔屎...！核突仔！！

家寶D毛好厚,  要吹好耐...好在可以用手撥D毛...

又可以捉住隻腳來吹...

第一件制成品用左一個鐘頭零三個字完成, 咁細隻仔用既時間要同仔仔差唔多...

到家俊, 見盆水變左黃色就知佢係度屙尿...

家俊不停咁叫, 驚走貓求其影左兩張相, 又唔記得熄閃燈...

家俊毛層較薄, 用左45分鐘完成, 佢雖然好驚個風筒但唔會打風筒, ...又係可以用手撥D毛, 不過好
鐘意走貓, 會跳上洗手盆或跳上我膊頭, 今次打左佢幾下pat pat, 又用力按住佢個頭, 佢嬲到晚餐
都唔食......
 

家男係隻騰雞貓, 最驚青係佢...但浸係水度佢又唔會走貓喎....好搞笑個樣...

吹毛期間佢會不停咁出手打個風筒, 所以要離開好遠咁吹, 上次畀佢咬左兩
個窿, 今次要同佢保持距離, 率之用左個幾鐘頭完工...

家男既視線由頭到尾冇離開過個風筒, 而我既視線由頭到尾都冇離開過
家男隻手, 成個過程大家都好 支力 ！

搞完貓貓順便幫妹豬沖埋涼, 狗狗易沖好多, 知道要聽話...




家寶: "媽媽, 你搞完未呀？ 我好肚餓呀, 夜晚九點喇！"

貓貓係自己屋企沖涼都咁驚, 真係可以想像到畀寵物店沖會係咩情況, 以前聽朋友講話帶隻異短
畀寵物店沖完番來四隻腳仔血淋淋......    今次家男送左條牙痕畀我, 而家俊就送左條爪痕畀我, 呢
D都係小兒科, 呢次幫貓貓沖涼咁大既工程總算有驚無險...！