狗狗朋友既遺物, 有D已經食左或用左, 狗狗主人一家都好錫佢, 狗狗過左

幾年幸福既日子, 可惜最後都係逃唔過人道既宿命, 應承左狗狗主人唔講

件事, 請大家唔好問......    每次諗起狗狗朋友都會好唔開心, 相信除左狗狗

主人一家之外我係唯一一個比佢錫過既人......

行山識既狗友阿甘送比我地既禮物, 仲有包牛筋骨已經係狗狗肚裡面消化左.

多謝晒甘甘！

11號果日連收3份禮物, 果日約左花友bbq, 因為要帶妹豬睇醫生, 所以提早

離場.  狗友B媽掛係門口既防牛蜱噴霧. 多謝晒B媽！

一入屋就見到阿莎送既大禮, 佢好似知我係去玩咁, 搞左好耐...好想打佢！

最近見妹豬成日飲水同屙尿, 驚佢腎衰竭帶佢去睇醫生同驗小便, 醫生話佢

身體好好冇腎衰竭, 仲話佢已經14歲身體機能超乎正常地好......  尿頻係因為

衰老, 又唔使食處方糧, 總之佢中意食咩就比佢食咩咁話......  本來想同佢驗

埋血既, 既然係咁唔同佢驗血喇.  雖然唔見左$300, 但聽見醫生咁講都好開心,

呢份真係有錢都買唔到既大禮！

有時會懷疑自己係咪神經過敏, 小小事都帶佢地睇醫生, 根本就係自己嚇

自己......