2010年6月28日, 上星期個朋友係blog到見到何B女, 話要約何B女今日去飲茶,

呢兩個21世紀後就係今日既主角, 何B女係我姨甥女, 樂樂係朋友個侄仔, 今年

4歲, 爸爸係跆拳道香港隊隊員, 媽媽都係跆拳道黑帶高手, 佢宜加都開始學緊,

將來一定係一個出色既跆拳小子, 不過樂樂宜加最叻仲係扮MJ, 跳舞跳到似模

似樣.  何B女同樂樂舊年已經見過一次面, 樂樂對何B女一見鍾情, 係咁黏住晒,

仲想鍚錫何B女......

一見到面何B女怕怕羞羞咁, 樂樂就古古惑惑咁......

 

 

 

唔知邊個教樂樂做D咁既手勢呢

 

 

 

何B女爭住劃點心

 

 

 

4歲既樂樂仲係低低B咁戴卡通表

 

 

 

仲帶埋佢D玩具車來玩,

 

 

 

玩到咁上下, 來喇！  先搭膊頭

 

 

 

越逼越埋

 

 

 

嘴左落去咁滯

 

 

 

又咋咋啼啼

 

 

 

挨身挨勢, 搞到何B女成塊面紅晒

 

 

 

最後霸晒成張椅, 何B女幾乎跌落地......

 

 

 

飲完茶一齊行商場, 坐樂樂最鐘意既車車

 

 

 

兩個古古怪怪, 尷尷尬尬咁

 

 

 

最後何B女總算肯比樂樂拖住手來行......

 

 

不過睇清楚就會見到何B女攤開係隻手既, 正碓來講係樂樂拖住何B女隻手板

行！！！  我地係商場行左個幾鐘頭, 而樂樂就不停咁穿梭於我同何B女之間,

講住同一句說話: 我好鐘意你！ 我好鐘意你呀！！  "我好鐘意你"呢幾個字出

自天真無邪既樂樂把口, 睇來我同何B女應該都真係幾得人鐘意嘻......     查

實係D咁細個既小朋友先會周圍同人講 "我好鐘意你"既咋, 當個人大個左, 基於

好多客觀既因素, 唔好話同自己鐘意既人講 "我好鐘意你" 喇, 可能明明鐘意都

要扮唔鐘意......     希望樂樂大個左都可以保持到呢份純真...不過咁樣的話佢D

女朋友可能會多到數都數唔晒......

 

 

 

後記一:  投訴

何B女見我冇遮套用, 就教我要去服務處投訴, 好彩最後都搵到......

睇來我們的21世紀後好識爭取佢地既有既權利 "利益"

 

 

 

後記二:  點解唔係哥哥高D既

同何B女搭緊扶手電梯時, 有一對看似拖友既男女企係我地前面...... 搭完後,

何B女問我: 點解唔係哥哥高D既.  我有D"勾"頭... 何B女再問: 點解會係姐姐

高D既, 男仔應該高過女仔好多架！   下...我明喇！何B女講緊我地前面果對

女斷背呀...... 著粉紅色衫果個都係女仔來架！  我冇同何B女解釋, 因為我都

唔知點同佢解釋......

 

後記三:  個胸都未大

同何B女行馬莎, 係童裝部見到有bra top形小背心, 諗住買比佢喇, 佢同我講

話: 個胸都未大.   我拎住件野唔識答...既刻掛返件衫......