何b女足8歲喇, 以後要改口叫Yoyo喎！ 2011農歷年假大部份時間都係佢
媽媽自己湊, 我淨係湊左10號一日咁多, Yoyo搬左番土瓜灣舊屋住, 樓下
店鋪養左兩隻好乖既唐狗...
兩隻唐狗有牌嫁！！
Yoyo話食厭左樓下間香港仔魚蛋, 係都要去番譽麵坊食, 行左足足15分鍾...
食完番屋企玩貓...
家男同家寶一見表姐來左就想入房喱埋...
阿嬌例牌搏按摩...
玩完貓貓就去後山玩...
Yoyo問做咩個草地唔係綠色既...
係大草地逗留左一陣又起程行去另一個配水庫...
呢條路成條都係好斜既石級...
來到呢度可以望到我地屋企...
呢隻野上次差d俾仔仔食左落肚...
兜左個圈跟住番屋企...
搞完清潔就輪到阿雪同妹豬
佢地係鑽石山站口等我去麥冬冬買野食...
間冒險樂園變左細 I.T ...
跟住又散步番屋企...
Yoyo除左上網睇左一陣 <寶石寵物> 之外, 就係同我地係到行來行去, 一日
既假期就咁過左...... 次次見佢都覺得佢又大個左, 講野又唔同左咁, 見佢
換衫搞左好耐都唔知著咩時話左佢兩句者, 就問我: "媽媽, 其實你係咪唔想
湊我者？" 唉！俾佢激死...淨係換衫都搞大半個鐘, 再大個d化埋粧咪有排
搞......
