禮拜五喇！番左一個禮拜學，雖然都係果間學校，只不過原來好多野都唔同曬！有咩唔同．．．

左近既同學仔唔同左樣囉，好在有邊仲有micelle係到，叫做有個熟人！老師唔同左喇，得葉正維又係教geo,　都唔知應該開心定傷心！放學果時佢又叫我同另一個同學留低，傾計　！！！傾埋曬d無聊野，問我地有無咩唔開心！有無唔慣！估唔到佢又識我，知我係咩水，我仲以為佢一路都唔識我既tim!!!　原來佢都記得教過我既！！！

　呢個禮拜，識左dd新朋友仔，只不過有d連個樣都唔多認得，名有d唔係好記得！只不過好多人都勁過我，有d自卑tim,人地英文又勁喎，基礎又好喎！英文糖可以話一秒一驚心，唔知幾時會叫人起身，答好難既問題！我？好驚追唔上人地，到時真係頭痛喇！依家都頭痛緊，好大壓力，好無安全感，好似樣樣都唔夠人妮！AH AH AH 唔制丫！

　仲有又唔知參加咩課外活動喎！中六真係．．．．．．｛好精彩｝