我好想搵一個人嘅思路同我同grade，
有最貼近嘅，分左手，
唔鍾意hip hop，唔係基督徒，唔緊要，
起碼諗嘢方式有啲相近。

生活上同電影差唔多，
有好多預演，除左發夢以外，有好多伏線，
積埋就形成左一件事出黎。
…其實分手一事我一早預料到，啲行徑似到咁。
而家就要處理大大小小各項餘波。
預演有機會係講過一句，之後成就，
有可能係即刻，有可能係幾年後，
所以，我好憎開口中，因為成日都係咁。

但心想嘅事，無一樣係心想事成，
簡單到想問個袋，買對鞋都事與願違，
上年睇中個袋，想買好耐，
而家個袋又用到爛哂想買個新嘅，
去到鋪頭門口執埋…
即係咁，當第一個諗法出左，
想諗過第二樣都唔會改到個結果。
我呢類人如果要用吸引力法則去計好似有第二種計法。

我呢，好想好朋友同我同grade，
咁樣就自自然然會明我想點，
就好似上年咁，畫左幅嘢人人都以為我講緊妳同我啲嘢，
但事實唔係，呢件事妳信我就夠。
我同妳講過啲咩組織，咩會，妳又以為我吹水
我無入亦唔夠資格入，但我惹到嘅嘢，唔係人人受到啦。

上次激嬲妳嘅，除左要向女朋友示威以外，
更隱藏左好多意思，面嗰浸可以無意思架，
只係我而家向妳解釋都無用，
我可以點講？

當妳傷到我嗰時我跌爆左支鏡，可以收埋真正原因，
當妳再傷我嗰陣我耳筒爛左，apm條線壞左，
電腦神埋，我又成功cover到個原因。

以最快最淺白最簡單嘅方式講妳知，
我每日都係度做緊拆解

我自己都有麻煩，至怕搞到我身邊啲人，
間唔中瞓唔著已經夠我死

最好睇哂3 parts啦
 

即使有幾想道歉，幾想幫人，下左啖氣先講。

然後，幾段字入面，人人都對號入座，
結局，變為無朋友。
唔通下下都同人講「er...我唔係講緊你」，
暗坦向我承認有做過，事實上係我唔知又以為我知。
既然係咁，吹得你漲咩？

既然唔明白，就唔可以用官僚架構般嘅方式，
莫講咩神秘學，想過料都唔得，又要話唔明我點諗。

上個禮拜日入camp，一出camp就超大雨，
好可惜第二日八號波都要返工。

返到公司我掛係張枱度啲相比人剝哂落黎，
一見到唔開心就點都有架啦，趁我放假時靜靜雞拆走…
其實唔係怪人啲咩嘅，而係「發夢」，
以為趕走左，唔會有咁多怪事發生，
臨出camp嗰晚夢見比人偷偷地除左，
誰不知返到公司真係比人拆走。
未免發生得太快啦…未試過快得咁過份，
唔開心只在於，又中…
睇黎我呢世人都會比「夢」牽引住，尤其情緒。
瞓覺會比夢纏住，瞓醒會比夢想束縛住。

即使講返工外嘅事，都唔見得好，
而家處境變到咁，有人應該好開心。
無人同你爭邊個受歡迎啲；
用不著我玩攝影你又話鑽研；
我話想做導演想拍戲你又話有興趣；
我比人逼要rap你又要整一次fail嘅出黎；
邊樣受歡迎就向邊樣發展，
仲要搵我做比較，煩唔煩啲？
係嘅，攬哂所有錯上身扮受委屈，
篇文好華麗，幅相有黃金比例，跟住話點積極，下話？

最大分別在於我唔鍾意比較，你偏偏要搵我比較，
即使你所有技藝都超越我，受唔受歡迎關乎性格，氣質，之類，
而我今次咁樣，你應該好滿意，
咁，就咪咁多小動作話我唔夠膽小人。
反正講左又唔聽，當面講同之後發洩都係一樣。