每當有情緒，唔好鑽牛角尖。深呼吸望天。
自大時，笑到個鼻生係頭頂，到擘大眼不妨睇下宇宙。

最近，真係好熱血，而且領悟到啲嘢出黎咁，
坊間話今日有特別事發生，點知不了了之，
有「專家」話踏入十一月地球同天堂頻率開始同步，
宣稱有志氣嘅人會更有鬥心，心邪嘅會更墮落，
戇戇居居嗰班就無咩影響。
其實，是但啦。世界上有好多事都唔知，唔清楚，
只有神知道一切，
人都鍾意自我感覺良好，視其他人能力係自己之下。

瞓唔到，就多啲望天，昂首太空，
屆時，人就會知自己渺小，
好多時以為自己識得好多，
學哂成本書知識就係自己掌握之中，
之後，就開始忘記如何謙卑。

多觀星，雖知自己等於宇宙間一粒微塵，
同時提醒自己，宇宙有幾大都好，一定有規律，
宇宙幾大，創意就會有幾大，而且會存在規律。

當我學識謙虛，又保持到熱血，
我就可以追求極致。