第八集。

都唔係好耐啫對上一篇。

反正都係瞓唔到，是但啦。

對上半年搞咁多嘢，我諗都係時候學識承擔。
lifecamp可以白痴到唔知自己係籌委，
但已經keep住開會，臨開始前幾個禮拜先知。
必須要學識承擔，而且係承擔更多，
避得一時避唔到一世。
要面對，始終都要面對。

好多方面承擔都等緊我，
屋企等緊我出身，三兄弟合力擔起頭家。
教會想我生性，咪搞咁多事加重負擔。
上帝想我入返佢安排嘅命定，繼續做拿細耳人。
好奇怪，口入面話歸向，心卻遠離。
弟兄姊妹嘅行為有好多都睇唔過眼，
偏偏做得最唔似樣就係自己。

就算出左張卡，我都要練下個簽名啦，簽錯咪樣衰？

將自己嘅愛分享出黎，愛，就會學曉承擔而且要犧牲。
父母，大哥大嫂都好明顯地做左出黎，
盡量啦，即使係所羅門家，我都要學點樣lead一班人。
未必係lead嘅，重點關心呱，試緊一兩個，
然後再試更多人睇下應唔應付到。
比我幾個月時間考慮，出年之前答。

上帝多次用唔同方法，叫我認罪悔改，
之後就做k chek嘅代禱者。
ha，自己都未顧掂就無可能理到其他人。
其實，再唔祈禱失眠問題只會愈黎愈瀕密lol

因為咩事拒絕靈修，有嘢想避囉，
但係咁大個人，可以逼人一齊靈修咩？梗係唔得啦
成日話靈修同吸收營養一樣，一日最好有幾次。
但係我鍾意絕食關人乜事？逼都係吸收唔到架喎。
唔靈修，我諗最大係言語上問題，
粗口多，又未到地盤級。
言語上亦都好狠，鬧到乜都出，
battle喎，唔係要我讓人呀？

學承擔，件事好快就會解決，
避呢，就唔知避到幾時，
反而問題仲要不斷惡化。
係醒爬就趁早改啦。

慢慢改，就慢慢無左回事，
要即刻改，就會諗得出最快捷嘅方法，
要我對其他人好似對小公主咁，應該無可能，
不過一半，自己都覺得非常好。
最快嘅方法，係禱告，靈修，行動。

至於耶穌會比幾多恩典，就要睇佢喇。
新學年操練，當然包括屬靈方面。