呢個系列停左好一陣子，今日再開。

你睇我好，我睇你好。

有好多對情侶比我羨慕過，
到到佢地散左，又會羨慕返我咁有韌力（變態？）

再咁搞法駛唔駛開talk比佢地呢
拍拖短則幾日，長就幾個禮拜
當然，以年計嘅散左都會感到無奈同可惜
有啲見左一兩次就撻著，當正自己係jack同rose，
有啲就識左一段時間，又突然有feel，之後不斷猛攻

拋啲師奶愛情肥皂劇嘅理論出黎有屎用，
台劇韓劇日劇嘅情節留返當地啦，係香港都幾難發生
愛情係甜過蜜糖，但係啲阻礙就慘過食屎
講得俗都係咁架啦，
除左最low level，閒雜人口中嘅匹唔匹配，
昇華到要照顧對方嘅屋企人，
萬一人地嘅阿爺失禁會唔會幫佢換片？
人地嘅親屬要上山，除左到場之外，會唔會幫手一齊搞？
會唔會忍受到另一半唔鍾意自己嘅興趣？
有部分真，又有部分假設

我自己做唔做到就唔知，至起碼長輩做到，我阿爸阿媽做到，
我都會以佢地為榜樣。

因為用信耶穌同愛情拍埋一齊，後生嗰啲都係咁兒戲
信主同拍拖開頭好多山盟海誓，要生要死
跟住到冷戰，慢慢又一走了之。
有啲到洗禮，咁辛苦佢返成年祟拜，
一洗完禮之後從來都再無見過佢，無任何音訊。
即係結婚就咁簽左紙就可以走佬嘅？
不過，係上帝看重一個咁兒戲嘅承諾。

ps.有60gb嘢要download阿，開學都未用得喇