一直抱住憤怒去做要表演嘅所有事,
由一開始都無祈禱, 直至演出前一刻
未試過玩live, 亦未預料到,
我竟然無怯場。

無乜排過要點走位法, 跳舞嘅跳舞,
我都無留意, 因為事前都無排過。
下下都臨時拉夫呢個即興行為, 我並唔會欣賞,
唔係為左保住教會面子, 我唔會出去。

呢個第一, 獎盃擺係教會都唔錯呀,
警惕下此等可恥行為,
等人知道團結只限於臨死前一刻,
反正到件事掂左嗰陣又周圍搵人讚,
實得嘅, 完全無諗過會衰嘅。
讚多我幾次有鬼用呀!?
呢個盃, 可以比我知以後更加唔駛跟規矩做事。
要我聽阿? 得, 比個榜樣出黎啦。

咪話弟兄姊妹有份努力啦,
尋日唔嘈, 今日上台極大機會係得我一個。
自己有無上過心, 問心
係阿, 全世界最得閒係我, 即管搶哂我啲時間啦。

唔開到口講已經比哂面,
即管繼續拋書包黎做掩飾。
因為首歌作左咁耐, 都未領略到個含義,
真係再講乜嘢都無用。