告終。

好想打比juli傾下，不過都係唔好啦。
佢都有自己嘅學生要處理。
我自己搞唔黎…好似覺得好複雜。
或者因為發夢見過，發夢聽講過，
變得似係一件預料以內嘅事，問題在於幾時公開，
好難用文字表達個夢係真定假，都算係識分，
一直我都希望係瞓醒就算，點知原來避唔開。
個夢愈黎愈真，如果以目前情況，夢與夢相連的位置實在太多。

段片終於整好，但係都無乜心機去製作，
有好多都hold左成年一路都整緊，一路都不斷重做，
係多瑕疵架喇，有好多都剪到唔想剪…
一邊睇返都唔知應該喊好定笑好，好多人被我強迫或誠邀下攝製，
有啲一叫就得，有啲要跪求七個月。
甚至我都明，點解同工唔拍，又係嘅，其他人有樣學樣咁點算？
其實，我只係想答謝人地抽時間去camp啫。好多人…我都想親口多謝。
段片做得差過藍球條片，
但係個人黎講一路聽住no mercy，皆同，
入睡同drop the world之類嘅歌黎剪一直充滿憤慨，
又邊會剪得好呢。對段片嘅剪接手法有好多唔滿意，源於對自己都唔滿意。

我唔知應該比咩反應，當其他人再提起，我又唔知應該點。
因為我知道…都咁多年，要一時抽離係一件無可能嘅事。
我明白，振作都係靠自己，我無祈禱問上帝點解會咁樣，
原因係非常清楚事情發展會係點。
或者，我都怕如果一齊之後另一個噩夢會隨之成真。
唔多想人幫，佢地唔能夠實際解決件事，只能夠陪我到天光。
歌，我一早寫好，係爭錄，早已經係二月寫好了，大致上都係嗰堆嘢

都要講返句，生日快樂