第六章

字

我喜歡文字,睇過唔少書,但唔識運用出黎
以前就算做人點求其都好,寫字勁樣衰都好,
都要寫啱隻字,正體俗體都要分得清楚
嗰時唔止自己要寫啱隻字,亦都要求人地寫啱

慢慢先發現,由佢啦,自己識就算囉,
何況我寫字又唔好睇,咁亦寫過令自己讚嘆不已既字出來,
照常理我寫出黎人地唔駛估已經係寫得好,
最高境界係連自己都睇唔明!
中學有段時間狂練字,簡直稱得上為手工藝調刻,
簡唔中仲有阿貞同秋燕幫拖添,係隻字點寫先靚,並不是代筆
所以嘛,我本嘻哈簿無乜地球人會明白

或者係因為我查得字典多,好細個就開始查,
查既並唔係咩字,係我個名既意思
一直都好想知我個名點解,
事源於媽媽有位朋友既朋友係玩開唔知乜嘢就幫人改名既,
跟住媽媽就係兩個名入面揀左其中一個,就係而家呢個
解釋完比阿媽聽,佢好似聽完就算咁,
到我追問佢就話「唏~我點知啫,嗰時見個名幾好聽咪叫囉,
佢講完我都唔知佢蹹乜,仲要比埋改名費佢...」

係問人解答唔到底下,唯有剿辭淵
起初非常抗拒,但係查查下又幾過癮
除左學曉廣東粗言穢語的正確寫法及讀音以外,
都查到唔少奇離字,咸不剌(hum罷爛),霹靂啪嘞,
沙煲罌罉,甚至成日用既"快尐慢尐"等等
識左唔少怪字,由於唔係經常用,甚至未寫過出黎,有時都會記錯點寫點讀
不過呢,下下都識讀唔識寫,識寫唔識讀又點得呢...
至慘就係自己識,但人地唔識,寫出黎都無用,
作文更係唔比用!嘥gas!
搵左幾本都解唔到我個名,直至今日

不過咁,近五年到都開始變了,即係唔在著重邊隻字先係啱,
在於我要玩埋英文,唔係正統嗰隻,係black engli
嗯...都幾不務正業,生活上常用既唔用,考試既唔學,
學埋呢啲咁既英文,都唔知為乜

字典的確教左我好多砌詞既方式,真係....好多
但係我對住一個人就會唔識講嘢,唔識表達
所學過的也全然廢掉
連最簡單嗰句都未講出口
我寫得落簿除左教會同女孩子外,都無乜其他,
唔係唔識寫其他事,相對下就無付出咁多心血完成
係對件事無興趣,又點寫得好呢
我不能把記憶分割出來,我不是電腦,
女孩更滲入我生活中任何一細節
就係咁,我hip hop得黎日寫夜寫並唔係為左追女仔
本身識少少rap,係爭在唔熟練,
何況呢...我都未試過係佢面前show過出黎,
單純係一首既話可以話我有企圖,但成本都係...就係下意識囉

假若唔係幫一位弟兄整電腦嘢,今日blog都未必會打,
已經用左四個鐘了,而家差不多四點
仲話戒夜瞓,笑大人個口