Kingman's Lifestyle已到第四集
而家已經諗,若然我寫到99集,羅馬字應該點寫?
唯有講句白痴仔,係鍾意懶型

試就只淨低一科,但係今日無啦啦一對住部電腦就down到無論,
總之就...好低落啦,沮喪程度就快爆煲(轟!)

都谷左係咁耐,係時候停返落黎
休息唔夠,日日都周身骨痛

又不斷自憐

我好想知到情人節會點算

最新發現,原來"感覺"真係可以令人失去理性,
一提起個女仔會不自覺流眼淚之類,
可以聯絡到就開心到彈起
甚至個女仔所有舉止都會影響到自己既心情
唔係想比個女仔倍感壓力
只係...呢個感覺可能只會係後生嗰時有

始終都係唔敢係blog度講大話,話哂,自己都會睇返
尋日同今日發癲,夾夾埋埋用左兩三粒鐘黎睇個blog,
一直在變化,曾改過的layout更是不留底(洗機,無backup,可悲)
生活的節拍已亂到七彩,總要找出一些當天做過的事再記下來,
加上記性比幾年前退步了幾倍,那便要用日記記下來,
否則到老來,便會覺得這人生很糟
用左幾粒鐘睇,都仲未睇得哂,去到一半都無咋
鬼咩,又長又噚

blog既內容大致都係呻讀書讀成點,上堂有咩搞,
又或者係...又係感情既話題
稱呼...由有提起個名開始,到到用到無耐之前既"妳",
到而家多數都用女孩,或者係女仔,諸如此類
明明係同一個人,但係咁樣變...就似由朋友變得好陌生
似係作出黎既多

中學時代都會幫下啲同學呀,朋友呀,教下佢地要點追女仔,
甚至係似係我一齊追多啲囉頂(有教過人地點駛橫手添,佢都無用到),
到到自己啦,只能以虛有其表黎形容
反而嘛...自己就用左個最蠢既方法,
一鋪過哂冷,得就升level,唔得就變懞佬
有啲嘢係鼻哥窿擔遮架喇...避無可避丫
憑住股真誠?no,邊有諗到可以打動人先得架
只係憑住熱血咋,死衝爛衝,無腦地衝,
如果拖到而家先講既話,我又未必肯制囉
好人卡,一張就夠數啦,好好保存啦

無問過個女仔覺得我點,如果問埋可能連friend都無得做(嘆氣)
可以智障到亂講話會等多人幾年,真係有病,
呢隻未必係愛,而係病態(引用阿彤的說話),
甚至...如果個女仔有鍾意既男仔會幫佢一齊追都未定,
實在太瘋狂,假若以旁觀者清來看,認為唔會咁做,
但係以當事人黎講,當然會咁做(認真),
樂觀啲,呢個係一個祝福黎丫嘛,
甘心可以幫對方搵到個啱自己既,何樂而不為?
名正言順可以終身既仲正,可以一生一世喎,呢個福分都唔係人人有
如果佢真係有鍾意既人,幫下手都要啦,
撇開心儀少女呢個稱呼,都算係教會姊妹啦

原來已經又咁長喇...?lifestyle到此為止,收筆