今日返學無咩特別野~

一早早會攪白事~唉~學校無好帶怯架.....

P.E因腰痛唔上~

中文第一堂有D悶~所以聽D唔聽D咁上啦~

之後第二堂說話訓練時出去進講到一99~加上明同朱仔又講笑~攪到我係咁笑~

商業過得去啦~第二堂去左電腦室做test~得13分~做完就玩左陣LF2

lunch個飯D薯仔好硬~其他野都ok ge~

上完數學就週會~聽條友彈音樂聽到悶.......

放學就同翹即回家......

今日返學都係咁啦~

數學堂D數緊緊ok啦~

中文係咁講書而過~

英文要堂上作文~由於未睇過個本圖書~所以留返返屋企先作~

lunch個飯D雞翼ge雞皮好核突~吞唔落...即吐....

膳宿幾開心啦~ 雖然D湯淡D~但都好好味~ 可能係D料正先令D湯好味啦~結果飲得好飽~

放學就返歸了......

朝早返學都係咁啦~無咩特別

數學堂D數總算明啦~

英文堂次次講親講個本圖書就真係唔想睇.... 但遲D又要作文...

會計堂時呀sir點功課點成幾個字~ 傻架佢~ 唔想講書咩~

臨落堂時sir叫到強答問題~而我跟進交換左位坐~ 以為呀sir下個實叫我名答問題啦~ 好彩個陣打鐘落堂~ 呀sir唔再講~ 唔係就好似翹俾人話調位咁柒啦~haha

lunch食pizza餐.....ok啦~

飯後去左背會計ge野~我同彪傾計傾到快上堂~ 就上堂時我地就求其寫左幾隻字~ 扮曬盡左力咁~ 呀sir就咁放左人啦~

TT好悶~功課又係咁俾~痴架...... 有D後悔報TT讀tim........

週會完後就第一時間返屋企lu........

今朝返學無乜野啦....

小息班外炒大獲~但與我無關......

lunch個飯ok....

PA無做功課~PA sir又唔俾幾日人補做返~就咁叫人罰抄答案~好X仆X呀~

咁飯後我就係咁抄啦~抄到手都無力~抄完後~佢又宣布話俾次機會~唔使抄~我真係好X想打柒佢呀~

last個三堂ok啦~英文堂聽暉~進~明佢地講笑~

放學後去羽毛球組到發霉..........

解散後TT又要補課~好彩有成陪~ 期間居然俾我知道佢同我ge Eng name都叫Edwin 但正如佢之後話~天大地大有人相同都唔奇啦~

回家時同佢一齊~之後係兆康西鐵站分道揚鑣~

最後回到家了~

今日十點起床~玩左陣電腦就煮飯~

下午睇下電視食下零食咁啦~

黃昏落左幾滴過雲雨同大風左陣~攪到要將D衫擰入擰出~

之後睇左陣中文堂俾個本悶書~ 睇左陣就灘在係梳發度小休~ 差D訓著左~ 好彩醒返 ......如果唔係又少左時間玩啦....

晚飯後就玩下電腦 做下功課咁啦..........

假如聽日先係國慶就好lu~ 可以多一日假......唔想返學........

今日十月一日國慶呀~

今朝訓到11:00醒~

起床後就刷牙開機~一玩玩到成點鐘~

呢幾日都無係屋企煮過飯呀~日日食D垃垃集集就咁當晚餐~ 事關日日返完學好累~唔想煮~今日同聽日唔使返學又要我煮飯俾細佬食啦.....好在我係煮~唔使洗.....

飯後悶悶地想一個人出街但又唔知做乜好........ 索性係屋企打下機咁過算啦~

晚飯後就上下網咁啦~ 一路玩一路期待GSD ge大結局~ 我諗今集一定好精彩架啦~

由於尋日訓左成晚ge緣故~今日成日都好精神~ 即使全部都係悶堂~都無乞過眼訓~

今日係便服日~一早就見到好多學生著便服返學~而我就無著到~因為我都無諗過要著~ 而且成班都唔著~如果我著ge話好會怪~好咩咁~ 何況我捐$20只出至良心(用手遮住心口先)~ 唔係為左著便服~

PA時彪坐隔離~即翹的位~又可以同呢個傻仔傾下計啦 ( )

PA阿sir當然好pk~上堂又悶~功課又多~sh!t.........

Eng講Set B時~進突然同Miss講佢本Set B附送個本唔係Set B Date file~係Set A Date file~我睇下自己個本啦~原來我同佢一樣呀......雖然大家唔同書局買~但點解會咁架........

其後上Eng時有時間空出~Miss Chan同某D同學up左小小 PA ge理念~我覺得佢講仲易明過呀PA sir講~雖然我唔知我係咪學過所以明啦~但感覺上總沒呀PA sir咁pk......

lunch個飯普普通通~飯後就行下坐下做my BF個份剪報~

數學堂時自己一人上~無咩大礙上完~

中文悶悶地渡過左~

放學後補中文~兩班一齊係電腦室一齊做test~第一次擰160~ (200分最高分,一題10分~共20題)

補完即回家~ 今日係咁多.......

  今日一早集會~為左我國56周年國慶~全校睇升旗~升旗時D爆粗管樂隊吹國歌吹得好爛呀~無曬D氣勢~又懶係勁咁吹到咁嘈~余sir仲要搵班連旗都唔識升ge白痴童軍升旗~國歌都未吹完就將國旗拉到頂~唔識升旗就返歸升多D旗啦~成班蛋散有辱國體......

今日第一堂上P.E~玩接力~要四人一組~翹因傷不能上陣~攪到得我,彪,強三人一組,所以被miss編左去女仔組個面~更叫我地之中ge其中一人跑多圈~我地三個你推我讓~仲猜my包剪石~但臨跑前好彩馬生幫拖跑一圈~唔使猜輸左ge強跑多圈~

  四人編左位後之後~miss就分三輪三組開始比賽啦~我地第三輪~跑出時~第一圈馬生跑先~No problem啦~領先左~第二圈彪跑~呢圈就係睇到我眼都突my~男人老狗都略大比數跑輸俾女仔~仲唔知變左第二定第三~唉~真失敗~

接住第三圈強追返第一~最後我跑win my last個圈~

唉~同女仔跑win左都應份啦.....起初仲諗住同男仔跑睇下自己幾廢tim......至少輸左有小小上進心去改下啦...同女仔跑都輸就真係pk囉........

  中文堂時~默書唔識~默漏好多~商業就好悶,又有功課~好在難個份係學校做左~易個份剪報留返聽日派報紙先做~

  lunch,個飯好普通~飯後同翹去左電腦室玩Yahoo ge桌球~win左佢兩round同嘉一round~鬼叫翹hand機咩~又叫要我同佢玩~

  玩完後~上my數學堂~就放學回家了~(今日早放)

  回到家後~沖個涼~食D野~睇陣TV~等my個頭朝左後就由晚上六點幾訓左第二朝啦~

今朝上ge堂無乜問題~起碼無乞眼訓........

lunch個飯麻麻地啦~我比較想食翹個個~但佢唔肯換~ 唯有等下個月啦~

飯後,出左班房企左陣後~就入返去班房訓到上堂.....

膳宿時幾happy啦~而我地組亦終於可以整到次大家都放心食得落肚ge野啦.......

放學後即回家~

最後開機玩到而家~

今日返學帶左遮但又無落雨~用唔著tim~

朝早上ge堂都無乜問題啦~係會計小測唔多識.......

lunch後做maths功課~

跟住隔離朱仔佢地講D野好攪野~攪到我都笑my一份~ 無心做maths~所以留返屋企慢慢做~

下午ge TT好悶~攪到成堂黑下黑下咁訓呀~ 想扒係度訓都又唔得~因為個位唔靚~miss一睇就會睇到..........

D堂上曬後要週會~今次主題係學生會選舉~班kind子又唔知up乜~ 悶到佢呀~ 廢成咁我都唔知投唔投票好~ last條肥婆仲要吶喊助威~攪到我心都寒my~ 可怕死了........

回家後沖左個涼就訓左覺lu.....好累..........

訓醒後~晚上8點幾~唔想煮飯~所以求其煮左包水餃食.........

食飽就開始做my D功課啦.......

最後到而家先開始玩電腦........

今朝起身返學無落雨架~諗住返學途中無事架啦~點知大檸樂~ 搭到輕鐵新圍落狗屎~諗住石排落車後 咁腳跑返學校啦~

落車後見到翹~我估佢實有遮啦~ 跟住行my去叫佢遮my我~點知有條form 3仔已請求左翹遮my佢~結果3人同行~把遮其實好細.....我同個form 3 生個胳膊都濕了~褲都開始濕~更pk就係行到交通燈時三人停步~這時,有架混帳的車駛過~D水濺到我條褲~就咁濕曬~真係*&^%$#@!

過左馬路就到校門前~點知個紙袋濕到爛左~ D野同打波用ge衫跌曬落地下濕曬~攪到好狼狽咁擰返上手~ 翹同條友又急住走~生日一早都攪成咁.........唉............

上堂後~因成身濕~好凍呀~凍到真係想早退 條褲要到食飯時左右先乾渣~件衫好D~第一次小息已乾~

上堂就無咩問題~如常渡過~

放學我同翹要去羽毛球組~其實我地想轉電影欣賞架~但都係落左去打羽毛球~因為怕想入時又無位~到時就好淤架啦

打完後趁無落雨即回家~之後係西鐵站間到7仔交飯單~回家後即沖涼~開機玩icq 同煮飯啦~

最後多謝今日祝我生日快樂的各位好同學~好朋友~

今日訓到11:30起身~

梳洗後接到母的來電~佢話今日自己煮粥食~我就點左細佬落街買料啦~料到就煮食啦~

下午同細佬如常地輪住黎打機~

晚餐都係煮返今朝D粥食~

飯後就做功課同睇電視了........

今日係翹生日~祝佢咩咩咩咩啦~呢D祝賀語唔想多講啦~總之佢生日快樂就得啦~

一早九點因尿急要放水而順便起my床刷牙~跟住開機~趁星期六玩多D.....

昨日爸和舅父回大陸了~又得自己動手煮飯了.....

下午同黃昏時出面好大風呀~樓下個垃圾桶被風吹到倒下兼甩my個蓋~D垃圾飛到通地都係~又要辛苦D清潔工人了~

晚上就睇下電影打下機咁啦~

今日一早就上TT悶左兩堂~

之後又上AC又悶左兩堂~ D功課仲要唔知點做~ 如果真係有個人同朱仔所講ge一樣~除眼鏡出去同呀sir 1 on 1 就過癮了

Eng又再悶多兩堂~

悶左成個上午~悶到火都黎my ~

lunch個飯麻麻地啦~

下午D Maths好難呀~D 功課唔知點做好 ~好彩放學唔使補課~

放學後同翹過左盈豐買野食~

回家後就休息和娛樂了......

今日返學如常啦~無咩事發生~

下午回家時好熱~ 返到屋企即刻沖凍水涼呀~降溫降溫~

今日D Maths 功課有D難~

最後食完飯就打機,上網lu~