好幾日無打Blog啦...唔係因為咩野，早兩日打機多左所以無打到。

今日打返，因為心情唔好，所以想發洩下 ...

   呢兩日唔知咩事，咩都好似唔係好好咁，首先無啦啦比人Friend鬧 (內容唔提啦...)之後又比屋企人煩住，仲有大把

野煩 ......

好想搵人傾下 ... 但係對面班日日嘻嘻哈哈既Friend，就咩都講唔出口 ... 唉

   呢兩日，某人心情好似唔好咁，囉住部電話，諗諗下又唔想煩住佢(失敗。) 今日放學返到屋企，完全無出過間房

，無野好做果陣就訓覺，結果訓左成2個幾鐘。

間房好靜 ... 好寂寞，好唔開心，終於體會到無人關心係幾慘。聽到聽日CH大測，囉住本書係到睇，好耐無試過咁認

真睇書，或者呢段時間係我單獨諗下野既機會，但係...我真係唔希罕......寧願好似以前咁智智障障咁仲好...

              心情真係好差，已經諗唔到有咩好講...希望聽日係新既開始啦.......