2006年7月11(星期二)
今日又要番學，又係番去玩，好悶呀~~
番到學同d同學玩一d研究出黎既魔術，不過我好屎，
有好多時比人識穿左。
過左一陣就要睇問答比賽，
呢個問答比賽係我一生人之中最難忘既問答比賽，
問答比賽開始個時本來都冇咩野，
跟住過左一陣，我開始有小小急(人有三急= ='')
不過我唸:問答比賽都就快完，忍多陣都得，
問答比賽完左喇，我以為可以走得啦，
梁sir上左台，我以為佢叫我地離開禮堂，
點知佢係到講……眼鏡款式個d野，講左勁耐，
我附近又冇老師= =''，等左勁耐先解放得~
差d想死。
番到課室之後，又係玩個d野，
過左一陣就放學lu。
番到屋企上網研究一d魔術，
跟住到左4點幾落左街，
順便買副啤牌，用黎玩魔術，
我希望成為第2個''大衛高柏飛''
過左一陣，見到我 d fd，
跟住我拎左副啤同佢地玩橋牌，好玩，
不過2回都拎第2，玩左1粒半鐘，
之後就番屋企。
食完飯之後，變左d魔術比我呀媽睇，
佢唔知點解，
係咁問我點解，點整，
我冇教佢，佢話遲d一定折穿我，
睇下點!!
係……比個魔術既網比大家玩，
呢個魔術叫做讀心術，
佢可以睇穿你心裏面唸緊d咩，
我一開始玩都覺得好神奇，
點知唔係，
好快睇出破綻(係唔係好勁呢)
唔知大家睇唔睇得穿呢??
http://www.mathsking.net/mind.htm
按住果到既指示做!!
| 
