今日朝早7:45約咗溢姐係麥當當等,點知我遲到Tim~Sor ar!!!跟住一齊返學啦,點知又俾我地見到呀媚咁咪一齊行囉~溢姐今日送咗一個Tamama俾我,好得意ar~呀媚又送咗一支筆俾我,我咪叫咗你唔使送你成日教我數.點都好啦!多謝你支筆~返到學校,妙妙又送咗張圣誕卡俾我.多謝~入到課室,ManMan又送咗一個風鈴俾我,得我一個先有,佢地妒忌wo.....又係度講,唉!攪到人地咁唔好意思~各位多謝曬!!!跟住我地落去禮堂啦~悶死我啦,又係度講耶穌!!完咗之後上返班房啦,有好多野食ar.不過全部都見唔到係咩~跟住掀開曬之後,冇樣啱食!!不過都食咗少少,唔會咁唔俾面Ge~跟住抽奬lu~我好肯定冇我,Bc我係小學冇中過奬Ga~點知有嗌9號wo,我以為我聽錯Tim.又多份禮物lu,個袋好令,入面份禮物睇起黎好名貴,但4蚊喳~算啦!!搬枱嗰陣,佢對住我笑但我好冷酷咁走開咗,好後悔arT^T放咗學即刻返屋企換33,Bc一陣要同溢姐、呀媚一齊去葵芳,見唔到佢啦,要放完假先見到.好慘arT^T換完33去搭車lu,係新都會落車~本身去睇戲,跟住話要睇到6點幾,咪放棄lo~買聽日Ge飛1:20分!!跟住咪去食野lo,食咗好多野ar~食咗一包冷麵,兩杯雪糕,一杯好正Ge、一杯好重奶味Ge(肥屎啦~)、三粒墨魚丸、一支冰極.飽屎我啦!!!又去買禮物,溢姐D禮物太貴啦~最後佢話唔使買Wo,算lo~~我地去扭蛋啦,呀媚為咗little Twins Star扭咗50蚊ar~我扭咗3個送俾人,唔錯Ga^^4:30本身話走,點知拖到5:00.溢姐話等佢媽打放工,我咪同呀媚走lo~係車上係咁係度講袐密^^"打咗成晚日記,唔打啦~