每次睇番果封e-mail  就好想喊

呀  唔係好想  而係已經喊左出黎

究竟係因為：內容？語氣？定係send佢過黎o既人呢？

我係咪應該delete左佢......?!  但又唔捨得果幾隻字

唔delete的話  我又會耐唔耐  忍唔住去睇下佢

犯賤中... 

－－－－－－－－－－－－－－－－－－－－－－

我不擅交際  亦唔識溝通o既藝術

因此  "得罪人多 稱呼人少"  同  "刺蝟 + 穿山甲"

係我o既寫照  亦都係我比人o既印象

人際關係  太複雜  真係咪搞我

我係消極派

自問忍耐力超凡  你得罪我  唔係太過份  我真係懶得出聲

不過一出聲  就預左同你反面  永遠無彎轉無偈傾

所以  逼到我出呢招  講到連朋友都無得做的話...

都算幾嚴重。

朋友們  相識一場

就算唔可以叫做朋友  都珍惜呢份緣丫~

世界上咁多人  人一生可以遇到幾多個？

點解你遇到o既係呢幾個  而唔係果幾個？

何苦事事要去到咁僵  無晒餘地先開心呢~~

呢排係好多野做  好多野煩

但若果可以每人收斂dd  退後dd  問題總有辦法解決o既

放鬆d啦my frds~~