"開心"  同  "笑"  係兩樣唔同o既野

我見過自己"笑"

但原來我未見過自己"開心笑"

真諷刺

因為我唔鐘意影相，一對住相機，就由"開心"，變左"笑"。如果你地見過我"開心笑" (唔係"笑"only)  可以話我知係點樣嗎？我怕會忘記....  因為我已經分唔到自己幾時先真心開懷笑。人越大，真係會越假。

好似今日joint-u 3 on 3，我心情真係好差，又好唔舒服 (一起身就好似比野壓住心口，透唔到氣咁)  行入場果陣，面口應該好難睇吧.... (我都知架啦..)  唉~~~ 但係成班同學比緊賽，我咁o既死樣真係見到都無心機啦，雖然我係去影相多過打氣，但都唔係咁好掛？於是乎........ 我唯有變樣吧...  "jit"左多少笑容出黎，之後唔知係因為場內o既氣氛定係點，我都relief左少少，無左朝早果種壓迫感，但話好hyper又唔係，我都唔識講... = ="   btw，是日我好似樣樣都話唔食，其實同心情差係""""無關""""架!!  我真係好嘴刁架.....

如果咁樣令大家feeling bad的話，講我知...  我寧願唔出席，都好過比張臭臉人地睇....  我係一個絕對passive o既人，願意聽你地o既意見，但唔會正面去問。Tell me anything, thank you all~~

－－－－－－－－－－－－－－－－－－－－－－－－－－－

霧鎖深秋   眉鎖心頭