著高爭鞋拎住4枝2L汽水  要由百佳番到soc房

著高爭鞋o係中大四圍走  無問題

拎重野  無問題

但兩樣一齊  就好大問題

途中有 朋友 經過  但太忙  匆匆而去

突然膠袋穿窿  跌左一枝

4隻腳指被打中  痛 >"<

o係馬路邊  又唔可以點樣

結果

變左Johnny拎5枝   我3枝

(辛苦你啦.... Johnny... 都知你腰痛，我先拎走4枝咋... 估唔到最後，你都係要拎5枝 ~___~)

去到lady shaw  終於遇到有心人Charles

我同Johnny先不致手斷腳跛腰殘廢

之後又要搬佢地落CC  都係by行  仲要激斜果隻

講真  真係燥底

但今次有Amy Lam幫手

太好啦~~~

自o camp之後，變得好討厭搬重野。以前我真係無咩所謂，拎得起的話，搬下有乜問題？不過搬得多，好似比人當左苦力咁，變成我搬係理所當然o既。係，我係大力過好多女仔，但我真係無你地d男仔咁好氣好力架!!  幫幫手，洗死咩!!  (←呢句送比所有曾經見過我拎住好重野、有能力而且有時間，但無諗過幫手o既"朋友"!  如果你中晒，請對號入座!!)  就係咁，我覺得自己真係唔再需要成日話自己夠力搬，因為真係夠力搬o既人會被寵壞.... & main point係我唔想再搬!!

我認我燥底又小器

而且從未試過咁小器

好未？

我只為這樣的人小器...

－－－－－－－－－－－－－－－－－－－－－－－－－

終於有人認真問...

呢個可能係最後機會

去  可能一切仲可以挽救

唔去  就塵埃落定

怕痛多次定係搏一搏？

要從跌倒o既地方起身再跑  定係番去起點重新黎過

我猶豫不決

點解一件簡單o既事可以變得咁複雜？點解要變？點解？！點解？！點解？！

討厭改變........